Makamál

Rúmfræði: Heimagerð kynlífsleikföng

Ása Ninna Pétursdóttir skrifar
Það er ýmislegt sem leynist á heimilinu sem hægt er að nota sem kynlífsleikföng sem fæst okkar höfum hugmynd um.
Það er ýmislegt sem leynist á heimilinu sem hægt er að nota sem kynlífsleikföng sem fæst okkar höfum hugmynd um.

Hver segir að þú þurfir að eyða formúgu í kynlífsleikföng ef þig langar til að krydda aðeins upp á kynlífið?

Heimagerð kynlífsleikföng geta þó hljómað frekar kæruleysisleg hugmynd við fyrstu hugsun og auðvelt að fá upp mynd í hausinn þar sem hlutirnir fara vandræðalega mikið úrskeiðis. 

Í nýrri grein frá Cosmopolitan fer kynlífsfræðingurinn Stephanie Alys yfir nokkra hluti sem má finna á flestum heimilum og er auðveldlega hægt að nota þegar fólki langar að leika. 

Kitlaðu bólfélagann létt með mjúkri fjöður og taktu þér góðan tíma í að strjúka henni rólega um allan líkamann.

Fjaðrir

Kitlaðu og snertu bólfélagann þinn með mjúkri og fíngerðri áferð fjaðrarinnar. Notkun fjaðra í kynlífi er frábær leið til að byggja upp eftirvæntingu og spennu. Ef þú dregur fjöðrina rólega eftir líkamanum örvast taugaendar og öll skynjun verður meiri. Bólfélaginn fer að þrá meiri og meiri snertingu. Strjúktu innanverð læri, háls og geirvörtur.

Bindi er hægt að nota til að binda fyrir augun á bólfélaganum og prófa sig svo áfram með valdaleiki.

En þessi svæði eru sérstaklega næm fyrir snertingu og mjög örvandi. Taktu þér góðan tíma í að gæla og leika við bólfélagann þinn. Það þarf enginn að flýta sé

Ísmolar

Leikur með kulda og hita getur verið mjög skemmtileg leið til að upplifa nýja skynjun í kynlífi og auka næmni. Notaðu ísmolann til að sleikja varlega yfir líkama bólfélaga þíns, færðu ísmolann rólega með tungunni yfir geirvörtur og upp með innanverðum lærunum. 

Fyrir munnmök er gott að sjúga ísmolann til að kæla munninn vel. Taka svo ísmolann út áður en þú byrjar. Munið að skiptast á.
 

Bindi

Bindi er hægt að nota til að binda fyrir augun á bólfélaganum. Þegar þú lokar fyrir þá skynjun að sjá, eykur það náttúrulega aðra skynjun og þú verður viðkvæmari fyrir snertingu og atlotum.

Ef þú vilt prófa þig áfram með einhvers konar valdaleik þá er góð leið að gera það með bundið fyrir augun. Byrjaðu rólega með því að kyssa hálsinn og nudda geirvörturnar, sjáðu svo hvað gerist þegar spennan magnast. 

Sturtuhausinn

Þetta gæti hljómað eins og klisja en að nota sturtuhaus við sjálfsfróun kvenna er í raun mjög vinsæl aðferð og telst frekar örugg. 

Þú ert nakin, blaut, afslöppuð og hefur nægan tíma fyrir sjálfa þig. 

Taktu sturtuhausinn og leggðu hann að snípnum og börmunum. Leiktu þér með hitastillingar og ef þú ert með sturtuhaus með stillingum fyrir styrkleika þá er akkurat tíminn til að prófa þær allar. Ef þú átt vatnsheldan titrara er tilvalið að nota hann með. Tvöföld ánægja.

Leiktu þér með hitastillingar og mismunandi kraft á sturtuhausnum.

Klútur

Klútinn góða er hægt að nota á ýmsa vegu, ekki bara um hálsinn. Spurðu bólfélaga þinn um að binda úlnliðina þína saman við rúmgaflinn og prófaðu þig áfram með hlutverkaleik eða valdaleik.

Með bæði hendur og fætur bundnar þá ertu algjörlega búin að gefa þig á vald bólfélaga þíns en mikilvægt er að það sé mikið traust á milli aðila. Hafðu mörkin þín skýr og vertu viss um að virða mörk hins aðilans. 

Spaði

Spaða er hægt að finna á hverju heimili og vegna lags hans er hann mjög hentugur sem flengingartól. Það eru alls ekki allir sem hafa áhuga eða hafa prófað flengingar en fyrir þá sem vilja prófa þá er fínt að byrja með spaðanum úr eldhúsinu.

Einfaldlega leggstu í kjöltu bólfélaga þíns og búðu þig undir fullnægjandi tilfinningu flengingar. Aftur er mikilvægt að tala um mörk og algjört skilyrði að traust sé á milli fólks. 

Ef þig langar að prófa þig áfram með flengingar þá er hægt að byrja á því að nota spaða úr eldhúsinu.

Matur

Það gætu jafnvel leynst hlutir í eldhússkúffum eða ískápnum sem hægt er að prófa sig áfram með í kynlífnu. 

Hunang, þeyttur rjómi og brætt súkkulaði er eitthvað til að byrja á. Leikurinn gæti orðið svolítið subbulegur en hafðu það í huga að við þetta þá ertu að örva öll fimm skynfærin þín í einu.

Mundu að ekki er æskilegt að matur komi nálægt kynfærum heldur er besta að halda sig við magann, varir, háls, geirvörtur og jafnvel tær.

Verði þér að góðu!

Hunang, súkkulaði og rjómi. Allt þetta er hægt að nota til að krydda upp á kynlífið og kveikja á fleiri skynfærum.

Tengdar fréttir

Emojional: Sverrir Bergmann

Sverrir Bergmann er einn af okkar ástsælustu söngvurum og er nóg að gera hjá honum þessa dagana að syngja í viðburðum út um land allt. Von er á nýjum sumarsmelli á næstunni svo að aðdáendur Sverris geta byrjað að hlakka til.

Sönn íslensk makamál: Nýskilin, torskilin og misskilin

Ég skildi þegar ég var 36 ára ára. Tvö börn og rúmlega 13 ára samband að baki. Í mínu tilviki var mikill vinskapur þegar ákvörðunin var tekin svo að það auðveldaði þetta flókna ferli sem skilnaður er til muna. Þessi pistill er samt ekki um skilnað heldur hvernig upplifun það var að stíga aftur inn á markaðinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.