Veiði

Líflegt við opnun Grímsár

Karl Lúðvíksson skrifar
90 sm nýgengin lax úr Strengjum í Grímsá í morgun.
90 sm nýgengin lax úr Strengjum í Grímsá í morgun. Karl Lúðvíksson

Grímsá opnaði fyrir veiði í morgun í reglulega góðu vatni og það var greinilega gaman við bakkann miðað við fyrstu tölur.

Það er aðeins veitt á fjórar stangir við opnun og það er þess vegna vel rúmt um alla sem eru við veiðar. Fyrsta vakt í ánni gefur vonandi góð fyrirheit um sumarið en alls var sett í níu laxa og af þeim var fimm löxum landað, þar af einum 90 sm. Allir laxarnir sem komu á land í morgun var vel haldinn tveggja ára lax og það veiddust laxar af öllum svæðum og lax sást nokkuð víða.

Veiðistaðirnir sem gáfu laxa í morgun voru Efstihylur, Langidráttur, Gullberarstaðastrengur, Klöpp og Strengir. Allir laxarnir sem tóku voru að taka litlar flugur og hitch en í þessu vatni sem árnar í Borgarfirði eru í núna er það bara það eina sem veiðimenn ættu að nota. Flugur í stærðum 16-18#, micro hitch og 10-12 feta tauma. Fara varlega í alla veiðistaði og láta lítið á sér bera. Þetta er það sem er að skila árangri í þessum aðstæðum.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.