Veiði

90 sm hrygna við opnun Langár

Karl Lúðvíksson skrifar
Jógvan með 90 sm hrygnu úr Glanna í morgun í Langá á Mýrum
Jógvan með 90 sm hrygnu úr Glanna í morgun í Langá á Mýrum Mynd: Jógvan Hansen

Langá á Mýrum opnaði fyrir veiði í morgun og það er óhætt að segja að hún hafi sýnt og sannað að hún er ekki lengur hreinræktuð smálaxaá.

Þegar Veiðivísir kíkti í Langá á laugardaginn var töluvert af laxi í Strengjum og í Glanna og mest af því fallegur tveggja ára lax. Einn af þeim tók fluguna hjá Jógvan Hansen í morgun og var það 90 sm hrygna sem veiddist í Glanna. Fleiri laxar hafa veiðst og nokkrir einnig sloppið af svo það er greinilega gott líf í Langá sem á það því líklega að þakka að vatnsforðinn í ánni sem kemur úr Langavatni heldur henni í því sem er venjulegt júlívatn.

Það verður gaman að fylgjast með því hvernig veiðin verður á seinni vaktinni en það er útlit fyrir að það þykkni aðeins upp og þá getur kvöldið orðið gott. Forðinn í Langavatni ætti samkvæmt Jóhannesi veiðiverði að duga fram um miðjan júlí en engu að síður væri öll rigning vel þegin í Langá eins og í aðrar ár í Borgarfirði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.