Óvænt stjarna skein skært í sigri Toronto í fyrsta leik úrslitanna
Toronto Raptors bar sigurorð af Golden State Warriors, 118-109, í fyrsta leik úrslita NBA-deildarinnar í nótt. Leikið var í Toronto en þetta er í fyrsta sinn sem leikur í úrslitum NBA fer fram utan Bandaríkjanna.
Þetta var jafnframt fyrsti leikur Toronto í úrslitum í 24 ára sögu félagsins. Golden State er hins vegar í úrslitum fimmta árið í röð. Í fyrstu fjögur skiptin vann liðið fyrsta leikinn í úrslitunum. Líkt og í undanförnum leikjum var Kevin Durant fjarri góðu gamni hjá Golden State vegna meiðsla.
Kamerúninn Pascal Siakam skoraði 32 stig og tók átta fráköst í liði Toronto. Hann hefur aldrei skorað meira í einum leik í úrslitakeppni á ferlinum. Siakam hitti úr 14 af 17 skotum sínum utan af velli og hitti m.a. úr ellefu skotum í röð.
@pskills43 (32 PTS, 14-17 FGM) makes 11 CONSECUTIVE field goals, lifting the @Raptors over GSW in Game 1 of the #NBAFinals presented by @YouTubeTV! #WeTheNorth
Game 2: Sunday (6/2), 8:00pm/et, ABC & TSN pic.twitter.com/V2L6xXaRAa
— NBA (@NBA) May 31, 2019
Kawhi Leonard hefur oft hitt betur en skilaði samt 23 stigum og átta fráköstum. Marc Gasol skoraði 20 stig og tók sjö fráköst.
Stephen Curry skoraði 34 stig fyrir Golden State og Klay Thompson 21. Draymond Green var með þrefalda tvennu; tíu stig, tíu fráköst og tíu stoðsendingar.
#DubNation @StephenCurry30 (34 PTS, 4 3PM) goes for 30+ PTS in his 6th straight #NBAFinals game. #StrengthInNumbers
Game 2: Sunday (6/2), 8:00pm/et, ABC & TSN pic.twitter.com/8JhrqH0LdA
— NBA (@NBA) May 31, 2019
Liðin mætast öðru sinni í Toronto aðfaranótt mánudags.
It's the TOP 3 PLAYS from Game 1 of the #NBAFinals presented by @YouTubeTV! pic.twitter.com/HMv0Kt1eFN
— NBA (@NBA) May 31, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
