Jafnréttisskólinn útskrifar nemendur frá þrettán þjóðríkjum Heimsljós kynnir 22. maí 2019 09:15 Glaðbeittur hópur útskriftarnema eftir athöfnina gær. gunnisal Í gær útskrifuðust 23 nemendur með diplóma á meistarastigi í alþjóðlegum jafnréttisfræðum frá Jafnréttisskóla Háskóla Sameinuðu þjóðanna (HSÞ) við Háskóla Íslands. „Við vitum að kynjajafnrétti er ekki aðeins undirstaða mannréttinda heldur einnig forsenda fyrir friðsæla, blómlega og sjálfbæra veröld. Kynjajafnréttið er reyndar þungamiðja allra heimsmarkmiðanna sautján – sem snúast meðal annars að því að útrýma fátækt og hungri, kynda undir framfarir, grósku og uppbyggingu friðsælla samfélaga, til að tryggja verndun jarðarinnar og náttúruauðlinda,” sagði Sturla Sigurjónsson ráðuneytisstjóri í ávarpi við útskriftina í gær. Sturla nefndi í ávarpi sínu að kynjajafnrétti og valdefling kvenna og stúlkna væri bæði sérstakt markmið í nýrri þróunarsamvinnustefnu sem nýlega var samþykkt á Alþingi en einnig þverlægt málefni sem ætti hvarvetna að hafa í hávegum í þróunarstarfi. „Jafnréttisskólinn hefur og verður áfram mikilvægur samstarfsaðili við að efla jafnrétti í þróunarsamvinnu Íslands. Sú menntun sem skólinn hefur veitt hefur haft jákvæð áhrif í heimalöndum nemenda eins og staðfest var í óháðri úttekt fyrir tveimur árum,“ sagði hann. Þetta er í tólfa sinn sem Jafnréttisskólinn útskrifar nema en að þessu sinni komu nemendur frá Afganistan, Bosníu & Hersegóvínu, Eþíópíu, Gana, Kenya, Malaví, Mósambík, Nígeríu, Palestínu, Serbíu, Úganda og í fyrsta sinn frá Kosovo og Indlandi. Alls hafa 132 nemendur frá 22 löndum verið útskrifaðir en markmið skólans er að veita sérfræðingum frá þróunarríkjum, átakasvæðum og fyrrverandi átakasvæðum þjálfun á sviði jafnréttismála og efla þá í að vinna að jafnri stöðu karla og kvenna og almennri valdeflingu jaðarsettra hópa í heimalöndum sínum. Jón Atli Benediktsson háskólarektor sagði í ræðu útskriftarnemana vera von um bætta framtíð fyrir komandi kynslóðir. Hassan Waddimba frá Úganda var valinn af samnemendum til að halda erindi fyrir hönd útskriftarnema. “Við höfum lært að þrátt fyrir ólík þjóðerni, trú, félagslegan bakgrunn, kyn og kynhneigð, þá glímum við öll við sömu áskoranirnar,” sagði hann.Najla Attaallah hlaut verðlaun VigdísarNajla Attaallah og Vígdís Finnbogadóttir.Frú Vigdís Finnbogadóttir, sem jafnframt er verndari skólans, afhenti verðlaun Jafnréttisskólans fyrir framúrskarandi lokaverkefni sem við hana eru kennd. Aldrei hafa jafn mörg framúrskarandi verkefni komið til greina en sex verkefni hlutu ágætiseinkunn. Eitt verkefni stóð þó upp úr og verðlaunin komu í hlut Najlaa Attaallah frá Gaza í Palestínu fyrir verkefnaáætlun um árangursríka kynjasamþættingu við hönnun og byggingu skóla hjá Palestínuflóttamannaaðstoð Sameinuðu þjóðanna í Gaza (UNRWA). Leiðbeinandi Najlaa við lokaverkefnið var Magnea Marinósdóttir, alþjóðastjórnmálafræðingur. Jafnréttisskóli Háskóla Sameinuðu þjóðanna heyrir undir Hugvísindasvið Háskóla Íslands en starfsemi hans og áherslur eru þverfaglegar. Á Íslandi starfa fjórir skólar undir hatti Háskóla Sameinuðu þjóðanna. Þeir eru auk Jafnréttisskólans, Jarðhitaskólinn, Sjávarútvegsskólinn og Landgræðsluskólinn og þeir eru allir hluti af framlagi Íslands til alþjóðlegrar þróunarsamvinnu.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið „Eins og að fá hnefahögg í andlitið“ Innlent Ákærðir fyrir hópnauðgun gegn ólögráða stúlku Innlent Eygir vonarneista í fyrsta sinn í marga mánuði Innlent Gríðarlegur fjöldi á mótmælunum Þjóð gegn þjóðarmorði Innlent Íbúar mótmæla og vilja börn frekar en byggingu í Gunnarsbrekku Innlent Kennir íslensku en fær ekki ríkisborgararétt að óbreyttu Innlent Bílvelta í Kömbunum Innlent Segir dregið úr veiðum á grundvelli „Walt Disneylíffræði“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Tæpir sextíu þúsund fermetrar í eigu ríkisins standa tómir Innlent
Í gær útskrifuðust 23 nemendur með diplóma á meistarastigi í alþjóðlegum jafnréttisfræðum frá Jafnréttisskóla Háskóla Sameinuðu þjóðanna (HSÞ) við Háskóla Íslands. „Við vitum að kynjajafnrétti er ekki aðeins undirstaða mannréttinda heldur einnig forsenda fyrir friðsæla, blómlega og sjálfbæra veröld. Kynjajafnréttið er reyndar þungamiðja allra heimsmarkmiðanna sautján – sem snúast meðal annars að því að útrýma fátækt og hungri, kynda undir framfarir, grósku og uppbyggingu friðsælla samfélaga, til að tryggja verndun jarðarinnar og náttúruauðlinda,” sagði Sturla Sigurjónsson ráðuneytisstjóri í ávarpi við útskriftina í gær. Sturla nefndi í ávarpi sínu að kynjajafnrétti og valdefling kvenna og stúlkna væri bæði sérstakt markmið í nýrri þróunarsamvinnustefnu sem nýlega var samþykkt á Alþingi en einnig þverlægt málefni sem ætti hvarvetna að hafa í hávegum í þróunarstarfi. „Jafnréttisskólinn hefur og verður áfram mikilvægur samstarfsaðili við að efla jafnrétti í þróunarsamvinnu Íslands. Sú menntun sem skólinn hefur veitt hefur haft jákvæð áhrif í heimalöndum nemenda eins og staðfest var í óháðri úttekt fyrir tveimur árum,“ sagði hann. Þetta er í tólfa sinn sem Jafnréttisskólinn útskrifar nema en að þessu sinni komu nemendur frá Afganistan, Bosníu & Hersegóvínu, Eþíópíu, Gana, Kenya, Malaví, Mósambík, Nígeríu, Palestínu, Serbíu, Úganda og í fyrsta sinn frá Kosovo og Indlandi. Alls hafa 132 nemendur frá 22 löndum verið útskrifaðir en markmið skólans er að veita sérfræðingum frá þróunarríkjum, átakasvæðum og fyrrverandi átakasvæðum þjálfun á sviði jafnréttismála og efla þá í að vinna að jafnri stöðu karla og kvenna og almennri valdeflingu jaðarsettra hópa í heimalöndum sínum. Jón Atli Benediktsson háskólarektor sagði í ræðu útskriftarnemana vera von um bætta framtíð fyrir komandi kynslóðir. Hassan Waddimba frá Úganda var valinn af samnemendum til að halda erindi fyrir hönd útskriftarnema. “Við höfum lært að þrátt fyrir ólík þjóðerni, trú, félagslegan bakgrunn, kyn og kynhneigð, þá glímum við öll við sömu áskoranirnar,” sagði hann.Najla Attaallah hlaut verðlaun VigdísarNajla Attaallah og Vígdís Finnbogadóttir.Frú Vigdís Finnbogadóttir, sem jafnframt er verndari skólans, afhenti verðlaun Jafnréttisskólans fyrir framúrskarandi lokaverkefni sem við hana eru kennd. Aldrei hafa jafn mörg framúrskarandi verkefni komið til greina en sex verkefni hlutu ágætiseinkunn. Eitt verkefni stóð þó upp úr og verðlaunin komu í hlut Najlaa Attaallah frá Gaza í Palestínu fyrir verkefnaáætlun um árangursríka kynjasamþættingu við hönnun og byggingu skóla hjá Palestínuflóttamannaaðstoð Sameinuðu þjóðanna í Gaza (UNRWA). Leiðbeinandi Najlaa við lokaverkefnið var Magnea Marinósdóttir, alþjóðastjórnmálafræðingur. Jafnréttisskóli Háskóla Sameinuðu þjóðanna heyrir undir Hugvísindasvið Háskóla Íslands en starfsemi hans og áherslur eru þverfaglegar. Á Íslandi starfa fjórir skólar undir hatti Háskóla Sameinuðu þjóðanna. Þeir eru auk Jafnréttisskólans, Jarðhitaskólinn, Sjávarútvegsskólinn og Landgræðsluskólinn og þeir eru allir hluti af framlagi Íslands til alþjóðlegrar þróunarsamvinnu.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið „Eins og að fá hnefahögg í andlitið“ Innlent Ákærðir fyrir hópnauðgun gegn ólögráða stúlku Innlent Eygir vonarneista í fyrsta sinn í marga mánuði Innlent Gríðarlegur fjöldi á mótmælunum Þjóð gegn þjóðarmorði Innlent Íbúar mótmæla og vilja börn frekar en byggingu í Gunnarsbrekku Innlent Kennir íslensku en fær ekki ríkisborgararétt að óbreyttu Innlent Bílvelta í Kömbunum Innlent Segir dregið úr veiðum á grundvelli „Walt Disneylíffræði“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Tæpir sextíu þúsund fermetrar í eigu ríkisins standa tómir Innlent