Fótbolti

Stuðningsmenn Liverpool og Spurs vilja fá fleiri miða

Henry Birgir Gunnarsson skrifar
Margir stuðningsmenn sem vilja komast á leikinn í Madrid munu ekki fá miða.
Margir stuðningsmenn sem vilja komast á leikinn í Madrid munu ekki fá miða. vísir/getty

Aðeins 25 prósent miða á úrslitaleik Meistaradeildarinnar fara til stuðningsmanna Liverpool og Tottenham og því hafa stuðningsmannafélög beggja liða biðlað til styrktaraðila keppninnar að gefa frá sér miða.

Þau hafa sent frá sér sameiginlega yfirlýsingu vegna málsins.

„Við biðjum Nissan, Playstation, Gazprom, PepsiCo, Banco Santander, Mastercard, Heineken og Expedia Group um hjálp til þess að laga jafnvægið í miðamálunum sem er mjög ósanngjarnt. Sem aðalstyrktaraðilar keppninnar þá ættu ykkar fyrirtæki að kunna að meta ástríðuna sem fylgir stuðningsmönnum liðanna og búa til stemninguna,“ segir í yfirlýsingunni stuðningsmannanna.

„Margir af þeim stuðningsmönnum sem hafa fylgt liði sínu um alla Evrópu munu ekki eiga kost á því að mæta á úrslitaleikinn. Það myndi lyfta stemningunni á leiknum mikið ef styrktaraðilarnir gæfu eftir miða til liðanna. Við hvetjum svo UEFA til þess að laga þetta jafnvægi í framtíðinni.“

Nú verða stuðningsmennirnir að bíða og vona að vel verði tekið í þessa bón þeirra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.