Viðskipti erlent

Geimfar SpaceX ætlað mönnuðum geimferðum virðist hafa sprungið í tætlur

Tryggvi Páll Tryggvason skrifar
Appelsínugulan reyk lagði frá prófunarsvæði SpaceX.
Appelsínugulan reyk lagði frá prófunarsvæði SpaceX. AP/Craig Bailey

Geimfar SpaceX, sem til stendur að nota til að skjóta mönnum út í geim, virðist hafa sprungið í tætlur við prófanir í Flórída á laugardaginn. Geimfarið, sem nefnist Crew Dragon, hefur verið prófað á ýmsa vegu að undanförnu en óvissa ríkir nú um hvernig SpaceX mun bregðast við atvikinu.

Tilkynnt var á laugardaginn að geimfarið hafi lent í „fráviki“ við reglubundna prófun. Lítið annað var gefið upp utan þess að enginn hafi slasast. Miðað við myndband sem lekið var á netið, og sjá má hér að neðan, virðist frávikið hafa verið sprenging.

Hvorki SpaceX né NASA, Geimferðastofnun Bandaríkjanna, hafa staðfest að geimfarið hafi sprungið né hefur fengist staðfest að myndbandið sé ekta. Á vef tæknisíðunnar ArsTechnica segir hins vegar að efni myndbandsins rími við frásagnir heimildarmanna síðunnar af atvikinu.

Sjá mátti myndir af appelsínugulum reyk stíga upp frá prófunarsvæði SpaceX á Canaveral-höfða í Bandaríkjunum. Samkvæmt heimildum ArsTechnica var prófunin á laugardaginn hluti af undirbúningi fyrir næsta stig prófunar geimfarsins sem áætluð er í sumar. Þá á að prófa hvort að geimfarið getið skotið sér frá eldflauginni sem flýgur með það út í geim, komi upp einhver vandræði með eldflaugina sjálfa.

Geimfarið sem var í prófunum er það sama og flogið var til Alþjóðlegu geimstöðvarinnar og til baka í síðasta mánuði. Var það fyrsta tilraunaflug Crew Dragon.

Þróun Crew Dragon er hluti af samningi SpaceX við NASA um mannaðar geimferðir auk þess sem að SpaceX hyggst sjálft hefja mannaðar geimferðir. Stefnt var að því að fyrsta mannaða geimferðin á vegum NASA með Crew Dragon yrði í október. Ljóst er að sprengingin mun setja strik í reikninginn og líklegt að geimfarar á vegum NASA ferðist ekki út í geim í Crew Dragon geimfari Space X fyrr en á næsta ári.


Tengdar fréttir

SpaceX tekur stórt skref í átt að mönnuðum geimferðum

Til stendur að skjóta Crew Dragon geimfari fyrirtækisins á loft frá Flórída í fyrramálið. Farið verður ekki mannað þar sem að um tilraunaskot er að ræða en því verður þó flogið til Alþjóðlegu geimstöðvarinnar og þar mun farið tengjast geimstöðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
FESTI
2,4
9
460.500
MAREL
2,11
21
654.042
EIK
1,75
5
182.750
HAGA
1,17
10
543.240
SKEL
0,99
2
24.540

Mesta lækkun dagsins


Félag
Br.%
Fjöldi
Velta*
ORIGO
-1,57
1
5.402
KVIKA
-0,66
2
38.617
SJOVA
-0,27
1
27.525
ICEAIR
-0,22
5
3.403
ARION
-0,13
12
146.263
Velkomin á Vísi. Þessi vefur notar vafrakökur. Sjá nánar.