Veiði

Minnivallalækur vaknaður á þessu vori

Karl Lúðvíksson skrifar
Hrafn með flottann urriða úr Minnivallalæk síðustu helgi.
Hrafn með flottann urriða úr Minnivallalæk síðustu helgi. Mynd: Strengir FB

Það er líklega óhætt að segja að ein mesta áskorun sem veiðimenn geta tekið í þeirri viðleytni að ná í stóran urriða sé að veiða í Minnivallalæk.

Það finnast líklega hvergi sambærilegar aðstæður þar sem lítil á eins og Minnivallalækur geymi jafn mikið af stórum urriða. Þetta er magnaður staður að veiða og eins og við segjum réttilega er þetta mikil áskorun. Fiskurinn getur verið mjög styggur ef það er kyrrt í veðri og bjart en það er samt hægt að nálgast ánna á réttann hátt til að láta lítið á sér bera með léttar græjur, granna og langa tauma og flugu sem hentar.

Þegar líður á veiðitímann kviknar lífið í ánni og þá þurfa veiðimenn að nota mjög litlar flugur og þurrflugur geta oft gefið mjög vel þarna. Það hefur verið heldur kalt frá opnun 1. apríl en um helgina fór að hlýna og þá mætti Hrafn Hauksson ásamt félögum og gerðu góðan túr. Náðu 9 fiskum og flestir um eða yfir 60 cm, látum fylgja með hér nokkrar myndir af þeim. Fiskur var víða að þeirra sögn og í flestum hyljum um allan læk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.