Veiði

Vikulegar veiðitölur úr laxveiðiánum

Karl Lúðvíksson skrifar
Urriðafoss er aflahæsta veiðisvæðið það sem af er sumri.
Urriðafoss er aflahæsta veiðisvæðið það sem af er sumri. Mynd: Iceland Outfitters

Vikulegar veiðitölur birtast á vefsíðu Landssambands Veiðifélaga og sína stöðuna í ánum hverju sinni og það er gaman að sjá hvað það gengur vel víða.

Veiðisvæðið við Urriðafoss í Þjórsá er á toppnum með 509 laxa á land á aðeins fjórar stangir svo það er ekki nóg með að svæðið sé það aflahæsta yfirheildina, það er líka með lang hæsta aflann á stöng. Þessar tölur eiga þó líklega eftir að breytast þegar líður á tímabilið en þó er líklegt að aðeins heildartalan sé í hættu. Heildarveiðin í einhverri ánni gæti og fer líklega yfir Urriðafoss en það er ólíklegt að nokkur á nái þessari meðalveiði á stöng.

Norðurá er í öðru sæti með 312 laxa og þar gengur veiðin vel en eins og víða á vesturlandi er þess beðið með mikilli spennu að sjá hvað stóri júlí straumurinn sem er 9. júlí skilar í árnar en þetta er yfirleitt sá straumur sem skilar stærstu smálaxagöngunum.

Þverá og Kjarrá eru komnar í 241 lax sem er ekki nema 54 löxum undir veiðinni 2015 en það sumar fór veiðin í 2.364 laxa svo þarna gætu Þverá og Kjarrá átt mikið inni en góðar göngur eru í árnar þessa dagana.

Næstu ár á listanum eru Eystri Rangá með 163 laxa og þar gengur mjög vel og það er stígandi í göngum í ána eins og annars staðar. Haffjarðará er svo í fummta sæti með 135 laxa. Listann í heild sinni má finna á www.angling.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.