Svona lítur úrslitakeppni NBA-deildarinnar út í ár

Lokaumferð NBA-deildarinnar í körfubolta fór fram í nótt og nú er ljóst hvaða lið mætast í fyrstu umferðinni þar sem sextán bestu lið NBA-deildarinnar keppast um sæti í undanúrslitum Austur- og Vesturdeildarinnar.

Detroit Pistons varð síðasta liðið til að tryggja sér sæti í úrslitakeppinni og gerði það í lokaumferðinni á kostnað Charlotte Hornets og Miami Heat. Það var ljóst áður hvaða átta lið yrðu með í Vesturdeildinni en röðin réðist þó ekki endanlega fyrr en í nótt.

Oklahoma City Thunder náði sem dæmi sjötta sætinu í nótt og Houston Rockets datt niður í fjórða sætið á lokasprettinum.

Úrslitakeppnin hefst síðan á laugardaginn en öll liðin sextán spila annaðhvort fyrsta leikinn sinn á laugardag eða sunnudaginn.

Fyrsti leikur úrslitakeppninnar í ár er viðureign Philadelphia 76ers og Brooklyn Nets sem hefst klukkan 18.30 að íslenskum tíma á laugardaginn kemur.

The 2019 #NBAPlayoffs are set!

Games begin on Saturday, April 13th. pic.twitter.com/4ERS0ZeywQ

— NBA (@NBA) April 11, 2019

Hér fyrir neðan má sjá hvaða lið mætast í úrslitakeppninni 2019:

Austudeildin - fyrsta umferð:

(1) Milwaukee Bucks - (8) Detroit Pistons

(2) Toronto Raptors - (7) Orlando Magic

(3) Philadelphia 76ers - (6) Brooklyn Nets

(4) Boston Celtics - (5) Indiana Pacers

Vesturdeildin - fyrsta umferð:

(1) Golden State Warriors - (8) Los Angeles Clippers

(2) Denver Nuggets - (7) San Antonio Spurs

(3) Portland Trail Blazers - (6) Oklahoma City Thunder

(4) Houston Rockets - (5) Utah Jazz

Hér fyrir neðan má sjá alla leikjadagskrána fyrir þessi átta fyrstu einvígi úrslitakeppninnar.

2019 #NBAPlayoffs First Round Schedule

The NBA Playoffs begin Saturday, April 13th! pic.twitter.com/dpwZSQJeIq

— NBA (@NBA) April 11, 2019