Gullið dreifðist á Íslandsmótinu í hópfimleikum

Íslandsmótið í hópfimleikum fór fram í Ásgarðinum í kvöld en Stjarnan, Gerpla og Selfoss stóðu uppi sem sigurvegarar í kvöld.

Stjarnan kom, sá og sigraði í kvennaflokki. Þær enduðu með 53,925 stig en þær voru skarpastar í ár. Þær unnu einnig til gullverðlauna á öllum áhöldum.

Í karlaflokki var það hins vegar Gerpla sem tók gullið. Trampólínæfingar liðsins voru sér í lagi sterkar en Stjarnan var rúmum fjórum þúsund stigum á eftir Gerplu.

Einungis eitt blandað lið var sent til keppni og það var Gerpla. Því var auðvelt að vinna gullið í því en þau enduðu með rúmlega 41 þúsund stig.

Selfyssingar unnu til gullverðlauna í stúlknaflokki en einungis Stjarnan keppti í drengjaflokki. Því urðu þeir sjálfkrafa Íslandsmeistarar í fjölþraut og á einstökum áhöldum.