Afsökunarbeiðni á Facebook lykilatriði í tveggja ára nauðgunardómi Kolbeinn Tumi Daðason skrifar 2. apríl 2019 14:29 Salur 101 í Héraðsdómi Reykjavíkur. Vísir/Rakel Karlmaður fæddur árið 1996 hefur verið dæmdur í tveggja ára fangelsi fyrir að hafa nauðgað ungri konu, menntaskólanema, að lokinni skemmtun á skemmtistaðnum Hendrix við Gullinbrú í janúar 2016. Konan kærði karlmanninn fyrir nauðgun í júní 2017. Krafðist 2,5 milljóna króna í miskabætur frá manninum sem var dæmdur til að greiða henni 1,6 milljónir króna. Dómur var kveðinn upp af Símoni Sigvaldasyni í Héraðsdómi Reykjavíkur í gær. Konan og karlinn fóru með vinum sínum á Hendrix umrætt kvöld. Ber vitnum saman um að við lokun staðarins hafi konan verið orðin mjög ölvuð. Ákærði ók bílnum og skutlaði vinum til síns heima og svo konunni heim til sín. Var hann sakaður um að hafa haft samræði og önnur kynferðismök við konuna án hennar samþykkis og nýtt sér ástand hennar þar sem hún hafi ekki getað spornað við verknaðinum sökum svefndrunga og ölvunar. Karlinn neitaði sök. Hann viðurkenndi að hafa haft samræði við konuna á heimili sínu og munnmök sömuleiðis. Hún hafi þó verið vel áttuð á því sem fram fór og hann ítrekað spurt hana hvort hún vildi hafa samræði. Konan sendi karlinum bréf og átti í framhaldinu í samskiptum við hann þar ásamt þriðja aðila. Ákærði skýrði skilaboð sín á Facebook til konunnar og vitnisins á þann hátt að hann hefði verið að biðjast fyrirgefningar á því að konunni hefði liðið illa og að hún hefði upplifað atvik á þann hátt sem hún gerði.Vitni lýsa mikilli ölvun Unga konan lýsti atvikum á þann veg að hún hafi verið mjög ölvuð umrædda nótt og dottið út. Hún myndi slitrótt eftir atvikum. Þannig myndi hún eftir því að hafa farið út af skemmtistaðnum og inn í bifreiðina til ákærða. Hún myndi eftir sér í miðbænum og síðan ekki fyrr en heima hjá ákærða þar sem hún hafi setið í anddyrinu. Síðan myndi konan eftir sér þar sem ákærði hefði legið ofan á henni inni í rúmi og verið að hafa við hana samræði. Hún hafi dottið aftur út og vaknað síðan um morguninn. Hún hafi ekki gefið ákærða samþykki fyrir kynferðismökunum. Fyrir dóminn komu vitni sem lýstu ölvunarástandi brotaþola umrætt kvöld og umrædda nótt. Eitt vitni lýsti ástandi brotaþola þannig að hún hefði verið mjög ölvuð inni á staðnum og við það að detta út. Hafi vitnið stutt brotaþola út af staðnum. Tveir karlmenn til viðbótar voru samferða þeim í bílnum um nóttina. Þeir lýstu því að þeir hefðu verið töluvert ölvaðir sjálfir. Konan hafi einnig verið verulega ölvuð. Hjá lögreglu lýsti eitt vitnið því að konan hefði verið við það að deyja ölvunarsvefni og verið nærri því að kasta upp í bílferðinni um nóttina. Vitnið staðfesti þessa lýsingu rétta fyrir dóminum. Í niðurstöðu dómsins er sérstaklega tekið til nokkuð viðamikilla samskipta á Facebook milli konunnar og karlsins sem áttu sér stað nokkrum dögum eftir atvikið. Biðst ákærði þar ítrekað afsökunar þegar borið er á hann að hafa sofið hjá konunni þar sem hún hafi ekki getað spornað við verknaðinum sökum ölvunar. Eins lýsir hann því ítrekað að hann vildi að hann gæti tekið þennan atburð til baka.Flosnaði upp úr menntó Dómurinn lítur til þess að vitni staðfesta fullyrðingu konunnar um ölvunarástand hennar þegar hún yfirgaf Hendrix. Framburður þessara vitna styður einnig þá staðhæfingu að hún hafi dottið meira og minna út um nóttina. Tvö vitni bera á þann veg að konan hafi verið við það að deyja ölvunarsvefni. Konan hafi verið sjálfri sér samkvæm í framburði sínum hjá lögreglu og fyrir dómi. Hefur framburður hennar verið trúverðugur. Við mat á framburði ákærða er ekki unnt að líta fram hjá yfirlýsingum hans á Facebook þar sem hann biðst írekað afsökunar á framferði sínu umrætt sinn. „Verða yfirlýsingar hans þar ekki skýrðar á annan hátt en þann að hann sé að biðjast afsökunar á því að hafa haft samræði við brotaþola þótt hún hefði verið svo ölvuð að hún hefði ekki getað spornað við samræðinu. Aðrar skýringar ákærða á þessum samskiptum eru ótrúverðugar að mati dómsins. Þá er framburður ákærða um ölvunarástand brotaþola einnig ótrúverðugur í ljósi framburða brotaþola og hinna tilgreindu vitna sem hér að framan er vísað til,“ segir í dómnum. „Þegar til þessara atriða er litið sem hér hefur verið vísað til verður trúverðugur framburður brotaþola lagður til grundvallar niðurstöðu. Er að mati dómsins hafið yfir skynsamlegan vafa að ákærði hafi haft samræði og önnur kynferðismök við brotaþola umrætt sinn, án samþykkis hennar, og notfært sér það að brotaþoli gat ekki spornað við verknaðinum sökum svefndrunga og ölvunar.“ Var ákærði dæmdur í tveggja ára fangelsi en tekið var tillit til dráttar á málinu sem ekki væri honum að kenna og þeirrar staðreyndar að hann hefur ekki áður gerst sekur um refsiverða háttsemi svo kunnugt sé. Þá var ákærðir dæmdur til að greiða ungu konunni 1,6 milljónir króna í bætur en miski hennar var metinn töluverður. Mikil vanlíðan hafi fylgt atvikum og þá flosnaði hún upp úr menntaskóla í kjölfar þess. Dómsmál Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Lýsisskip strandaði í Fáskrúðsfirði Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent Hvessir víðast hvar síðdegis Fréttir „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fleiri fréttir Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
Karlmaður fæddur árið 1996 hefur verið dæmdur í tveggja ára fangelsi fyrir að hafa nauðgað ungri konu, menntaskólanema, að lokinni skemmtun á skemmtistaðnum Hendrix við Gullinbrú í janúar 2016. Konan kærði karlmanninn fyrir nauðgun í júní 2017. Krafðist 2,5 milljóna króna í miskabætur frá manninum sem var dæmdur til að greiða henni 1,6 milljónir króna. Dómur var kveðinn upp af Símoni Sigvaldasyni í Héraðsdómi Reykjavíkur í gær. Konan og karlinn fóru með vinum sínum á Hendrix umrætt kvöld. Ber vitnum saman um að við lokun staðarins hafi konan verið orðin mjög ölvuð. Ákærði ók bílnum og skutlaði vinum til síns heima og svo konunni heim til sín. Var hann sakaður um að hafa haft samræði og önnur kynferðismök við konuna án hennar samþykkis og nýtt sér ástand hennar þar sem hún hafi ekki getað spornað við verknaðinum sökum svefndrunga og ölvunar. Karlinn neitaði sök. Hann viðurkenndi að hafa haft samræði við konuna á heimili sínu og munnmök sömuleiðis. Hún hafi þó verið vel áttuð á því sem fram fór og hann ítrekað spurt hana hvort hún vildi hafa samræði. Konan sendi karlinum bréf og átti í framhaldinu í samskiptum við hann þar ásamt þriðja aðila. Ákærði skýrði skilaboð sín á Facebook til konunnar og vitnisins á þann hátt að hann hefði verið að biðjast fyrirgefningar á því að konunni hefði liðið illa og að hún hefði upplifað atvik á þann hátt sem hún gerði.Vitni lýsa mikilli ölvun Unga konan lýsti atvikum á þann veg að hún hafi verið mjög ölvuð umrædda nótt og dottið út. Hún myndi slitrótt eftir atvikum. Þannig myndi hún eftir því að hafa farið út af skemmtistaðnum og inn í bifreiðina til ákærða. Hún myndi eftir sér í miðbænum og síðan ekki fyrr en heima hjá ákærða þar sem hún hafi setið í anddyrinu. Síðan myndi konan eftir sér þar sem ákærði hefði legið ofan á henni inni í rúmi og verið að hafa við hana samræði. Hún hafi dottið aftur út og vaknað síðan um morguninn. Hún hafi ekki gefið ákærða samþykki fyrir kynferðismökunum. Fyrir dóminn komu vitni sem lýstu ölvunarástandi brotaþola umrætt kvöld og umrædda nótt. Eitt vitni lýsti ástandi brotaþola þannig að hún hefði verið mjög ölvuð inni á staðnum og við það að detta út. Hafi vitnið stutt brotaþola út af staðnum. Tveir karlmenn til viðbótar voru samferða þeim í bílnum um nóttina. Þeir lýstu því að þeir hefðu verið töluvert ölvaðir sjálfir. Konan hafi einnig verið verulega ölvuð. Hjá lögreglu lýsti eitt vitnið því að konan hefði verið við það að deyja ölvunarsvefni og verið nærri því að kasta upp í bílferðinni um nóttina. Vitnið staðfesti þessa lýsingu rétta fyrir dóminum. Í niðurstöðu dómsins er sérstaklega tekið til nokkuð viðamikilla samskipta á Facebook milli konunnar og karlsins sem áttu sér stað nokkrum dögum eftir atvikið. Biðst ákærði þar ítrekað afsökunar þegar borið er á hann að hafa sofið hjá konunni þar sem hún hafi ekki getað spornað við verknaðinum sökum ölvunar. Eins lýsir hann því ítrekað að hann vildi að hann gæti tekið þennan atburð til baka.Flosnaði upp úr menntó Dómurinn lítur til þess að vitni staðfesta fullyrðingu konunnar um ölvunarástand hennar þegar hún yfirgaf Hendrix. Framburður þessara vitna styður einnig þá staðhæfingu að hún hafi dottið meira og minna út um nóttina. Tvö vitni bera á þann veg að konan hafi verið við það að deyja ölvunarsvefni. Konan hafi verið sjálfri sér samkvæm í framburði sínum hjá lögreglu og fyrir dómi. Hefur framburður hennar verið trúverðugur. Við mat á framburði ákærða er ekki unnt að líta fram hjá yfirlýsingum hans á Facebook þar sem hann biðst írekað afsökunar á framferði sínu umrætt sinn. „Verða yfirlýsingar hans þar ekki skýrðar á annan hátt en þann að hann sé að biðjast afsökunar á því að hafa haft samræði við brotaþola þótt hún hefði verið svo ölvuð að hún hefði ekki getað spornað við samræðinu. Aðrar skýringar ákærða á þessum samskiptum eru ótrúverðugar að mati dómsins. Þá er framburður ákærða um ölvunarástand brotaþola einnig ótrúverðugur í ljósi framburða brotaþola og hinna tilgreindu vitna sem hér að framan er vísað til,“ segir í dómnum. „Þegar til þessara atriða er litið sem hér hefur verið vísað til verður trúverðugur framburður brotaþola lagður til grundvallar niðurstöðu. Er að mati dómsins hafið yfir skynsamlegan vafa að ákærði hafi haft samræði og önnur kynferðismök við brotaþola umrætt sinn, án samþykkis hennar, og notfært sér það að brotaþoli gat ekki spornað við verknaðinum sökum svefndrunga og ölvunar.“ Var ákærði dæmdur í tveggja ára fangelsi en tekið var tillit til dráttar á málinu sem ekki væri honum að kenna og þeirrar staðreyndar að hann hefur ekki áður gerst sekur um refsiverða háttsemi svo kunnugt sé. Þá var ákærðir dæmdur til að greiða ungu konunni 1,6 milljónir króna í bætur en miski hennar var metinn töluverður. Mikil vanlíðan hafi fylgt atvikum og þá flosnaði hún upp úr menntaskóla í kjölfar þess.
Dómsmál Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Lýsisskip strandaði í Fáskrúðsfirði Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent Hvessir víðast hvar síðdegis Fréttir „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fleiri fréttir Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira