Veiði

Mögnuð opnun í Litluá

Karl Lúðvíksson skrifar
Karl Jónsson með vænan fisk úr Litluá
Karl Jónsson með vænan fisk úr Litluá Mynd: Litlaá FB

Litlaá í Keldum eins og áin er gjarnan kölluð er klárlega ein af bestu ánum til að standa við þegar veiðitímabilið hefst.

Það líklega sýndi sig vel á þessu vori hvað þetta er mögnuð á en á fyrsta degi var 148 fiskum landað og það gerir þetta ekki bara bestu opnun í ánni frá upphafi heldur líklega bestu opnun á nokkru veiðisvæði á þessu voru. Mest af veiðinni voru urriðar en eitthvað veiddist líka af bleikjum en stærstu fiskarnir voru allt að 70 sm langir. Mest veiddist á straumflugur af ýmsum gerðum. Það var heldur kalt á fyrsta degi svo ástundun var ekki jafn mikil og hún hefði annars orðið sem gerir þessar tölur ennþá magnaðri.

Heilt yfir eru þær fréttir sem við erum að fá af veiðisvæðunum mjög góðar og það verður gaman að fylgjast með á næstunni þegar fleiri svæði detta inn og þá má kannski sérstaklega nefna Þingvallavatn en þeir eru margir sem eru orðnir óþreyjufullir eftir því að kasta flugu fyrir risaurriðana sem þar er að finna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.