Kröfuhafar sagðir fylgjandi umbreytingu skulda WOW air í hlutafé

Kröfuhafar flugfélagsins WOW air funduðu í kvöld um áætlun um að breyta skuldum félagsins í 49 prósent hlutafjár í félaginu. Mbl greinir frá því.

Í frétt Mbl.is segir að einhugur hafi verið meðal kröfuhafa um áætlunina, sem gangi út á að bjóða 51 prósent til kaups á um 40 milljónir Bandaríkjadala, sem samsvarar um fimm milljörðum íslenskra króna.

Viðmælandi Mbl.is, einn af eigendum skuldabréfa félagsins, segir fundinn hafa verið jákvæðan og að verið sé að safna staðfestingum á áætluninni. Þá kemur fram að þegar tilskilinn meirihluti kröfuhafa og skuldabréfaeigenda hafi samþykkt áætlunina verði hún virkjuð.

Hvorki náðist í Skúla Mogensen, eiganda og forstjóra WOW air, né Svanhvíti Friðriksdóttur, upplýsingafulltrúa félagsins, við vinnslu þessarar fréttar.