Viðskipti innlent

Frá Hvíta húsinu til Icelandair

Stefán Ó. Jónsson skrifar
Gísli S. Brynjólfsson er kominn í flugið.
Gísli S. Brynjólfsson er kominn í flugið. Icelandair

Gísli S. Brynjólfsson hefur verið ráðinn forstöðumaður markaðsmála hjá Icelandair (e. Director of Global Marketing).

Í tilkynningu frá flugfélaginu er ferill Gísla reifaður. Þar segir meðal annars að hann hafi starfað hjá auglýsingastofunni Hvíta húsinu í 15 ár, þar af síðastliðin átta ár sem framkvæmdastjóri.

„Áður starfaði hann sem sölu- og kynningarstjóri hjá Skýrr hf., eða á árunum 1999 til 2002. Gísli sat í stjórn Ímark frá 2011 til 2014. Gísli er með BSc. gráðu í alþjóðamarkaðsfræði frá Tækniháskóla Íslands og MSc. gráðu í alþjóðaviðskiptum frá Grenoble Ecole de Management í Frakklandi,“ segir þar meðal annars.

Haft er eftir Birnu Ósk Einarsdóttur, framkvæmdastjóra sölu- og þjónustusviðs Icelandair Group, í sömu tilkynningu að þau séu ánægð að fá Gísla í sínar raðir. „Hann hefur verið þungavigtarmaður í markaðsmálum á Íslandi til margra ára og það er verðmætt fyrir Icelandair að fá hann til að stýra þeim fjölmörgu verkefnum sem framundan eru,“ segir Birna Ósk Einarsdóttir.

Gísli er giftur Sigríði Önnu Árnadóttur viðskiptastjóra á fyrirtækjasviði hjá Landsbankanum og eiga þau þrjú börn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.