Icelandair heldur áfram að hækka

Gengi hlutabréfa í flugfélaginu Icelandair hækkaði í dag um 2,45% í 323 milljóna króna viðskiptum. Hækkunin var sú mesta í viðskiptum dagsins.

Gengi hlutabréfa Icelandair hækkaði um 7,52 prósent í gær á meðan samninganefnd flugfélagsins WOW Air fundaði stíft með fulltrúum bandaríska fjárfestingasjóðsins Indigo Partners í höfuðstöðvum WOW á Höfðatorgi.

Snorri Jakobsson forstöðumaður greiningadeildar Capacent sagði í samtali við Vísi í dag að íslenski hlutabréfamarkaðurinn virðist líta svo á að samningaviðræður WOW Air og Indigo Partners gangi illa, sé litið til gengisstyrkingar Icelandair.