Lamborghini Urus kominn á bílaleigur vestanhafs
Það var líklega bara tímaspursmál hvenær bílaleigur heimsins byðu Lamborghini Urus jeppann til láns fyrir aðdáendur ofurjeppa og þrjár bílaleigur vestur í Bandaríkjunum hafa riðið á vaðið.
Þar geta bílaáhugamenn kynnst þessum 641 hestafls jeppa sem fer sprettinn í hundraðið á litlum 3,6 sekúndum en það kostar sitt. Dagurinn kostar 1.308 dollara, eða 155.000 krónur. Það er ekki lítið fé þegar haft er í huga að hæglega er hægt að leigja sér bíl fyrir tíu þúsund kall á dag.
En allt fyrir upplifunina og vonandi munu þeir sem leigja sér bílinn njóta þess, en þessi bíll er jú eini bíll Lamborghini sem ekki er hræddur við að verða skítugur.
Tengdar fréttir
Hressir bílar og enn hressari forstjóri
Í síðustu viku voru staddir hér á landi 7 Lamborghini Urus jeppar og forstjóri fyrirtækisins var með í för. Tilefnið var blaðamannakynning á nýjasta bíl Lamborghini.
300 milljónum lagt fyrir utan Borgina
Vegfarendur í miðborg Reykjavíkur ráku upp stór augu í gærkvöldi þegar þeir gengu fram á lúxusbílastóð fyrir utan Hótel Borg.
