Höfuðstöðvar flytja líklega til Ameríku Helgi Vífill Júlíusson skrifar 6. febrúar 2019 07:30 "Reksturinn á síðasta ári var alveg frábær. Hann hefur aldrei verið eins góður,“ segir Ágúst Einarsson, framkvæmdastjóri Tempo. Fréttablaðið/Anton Brink Það er mjög líklegt að höfuðstöðvar Tempo verði fluttar til Bandaríkjanna. Þar er okkar stærsti markaður og eigendur meirihluta félagsins eru í Los Angeles. Við munum áfram reka öflug dótturfélög í Reykjavík og Montreal í Kanada,“ segir Ágúst Einarsson, framkvæmdastjóri Tempo, í samtali við Markaðinn. Fjárfestingafélagið Diversis Capital keypti 55 prósenta hlut í Tempo af Origo, sem áður átti hugbúnaðarfyrirtækið að fullu, í nóvember fyrir 34,5 milljónir dollara, jafnvirði 4,2 milljarða króna. Eigendurnir munu sameiginlega leggja Tempo til tvær milljónir dollara, jafnvirði 241 milljónar króna. Jafnframt hafa þeir lýst yfir vilja til að styðja við innri og ytri vöxt félagsins á næstu árum, eftir því sem tækifæri gefast. Diversis Capital tilefnir þrjá í stjórn Tempo en Origo tvo. „Þeir fara með meirihluta í félaginu og vinna mjög náið með okkur á mörgum sviðum. Þeir horfa til tækifæra í innri vexti – við teljum að hann verði áfram um 30-35 prósent á ári – og mögulega að yfirtaka önnur fyrirtæki. Við fáum stuðning til að hraða vextinum enn frekar en verið hefur,“ segir Ágúst. Origo leitaði að meðfjárfesti í tvö ár og hitti Ágúst yfir 100 fjárfestingasjóði staðsetta í Evrópu og Bandaríkjunum í því skyni. „Hugmyndin var að sjóðurinn væri ekki of stór til þess að við myndum fá næga athygli og stuðning frá honum. Sjóðurinn þurfti að vera sérhæfður á þeirri syllu sem við störfum á og hafa sýnt fram á góðan árangur. Síðast en ekki síst þurfti starfsfólk okkar og þeirra að smella saman. Þetta allt fengum við frá Diversis Capital. Við erum stærsta fjárfesting þeirra og þeir eru afar áhugasamir um reksturinn,“ segir hann.Tíu ára saga Ágúst segir að fyrir tíu árum hafi fámennt teymi innan TM Software, sem var í eigu Nýherja og sameinaðist síðar í Origo, smíðað einfaldan hugbúnað til að sinna tímaskráningum sem fyrst og fremst hafi verið notaður af starfsmönnum. „Við fórum síðar að skima eftir tækifærum og hófum samstarf við Atlassian. Þeirra hugbúnaður, sem snýr að vinnu- og verkefnastjórnun, er í skýinu. Önnur hugbúnaðarfyrirtæki geta þróað viðbætur, eins og við höfum gert. Á þeim tíma var Atlassian lítið og ungt fyrirtæki en veltan hefur vaxið um 40-50 prósent á hverju ári og við höfum fylgt þeim vexti. Tekjur Tempo hafa vaxið um 30-35 prósent á ári. Þær hafa vaxið úr engu í að vera 22 milljónir dollara, jafnvirði 2,6 milljarða króna, á síðasta ári. Starfsmenn eru orðnir rúmlega 100 í þremur löndum. Nær alla tekjurnar eða 99 prósent koma erlendis frá en við erum með 13 þúsund viðskiptavini. Atlassian er með með 134 þúsund viðskiptavini en þar af eru 65 þúsund sem nota Jira og geta þar af leiðandi notað okkar hugbúnað. Á undanförnum tveimur árum höfum við verið að undirbúa að tengjast fleiri kerfum á borð við Jira til að vaxa enn frekar. Það eru færri en tíu slík kerfi sem rökrétt væri fyrir okkur að vera í. Við endurskrifuðum vöruna fyrir Amazon Web Services (AWS) og getum því auðveldlega sótt í önnur kerfi sem eru í skýinu.“Keyptu lítið fyrirtæki í MontrealHefur Tempo áður ráðist í yfirtöku? „Við yfirtókum lítið fyrirtæki í Montreal í Kanada fyrir þremur árum. Það var grunnurinn að uppbyggingunni þar í landi. Starfsmenn þar eru orðnir um 50.“Til hvernig fyrirtækja er horft varðandi yfirtöku? „Þrjár tegundir fyrirtækja koma til greina. Í fyrsta lagi fyrirtæki sem myndi auka markaðshlutdeild okkar hjá Jira. Í öðru lagi fyrirtæki sem myndi hraða vegferð okkar við að byggja upp viðskipti í öðru kerfi því þá þurfum við ekki að byrja frá grunni. Í þriðja lagi kemur til greina að kaupa áhugaverða gervigreindartækni sem eykur sjálfvirkni.“Er engin hætta á að Atlassian hætti að vaxa svona hratt? „Atlassian er metið af rannsóknarfyrirtækjum það allra besta í þessum geira. Um er að ræða nýja kynslóð af hugbúnaði í skýinu sem skákar keppinautnum. Við höfum mikla trú á áframhaldandi vexti hjá þeim.“Nánast hundaheppniVar það ígrunduðuð stefnumiðuð ákvörðun að hefja samstarf við Atlassian eða hundaheppni? „Það má alveg segja að þetta hafi nánast verið hundaheppni. Fyrir tíu árum var Atlassian lítið fyrirtæki frá Ástralíu en okkur þótti varan spennandi. Það hefur verið frábært að vinna með þeim. Þeim vegnar vel og eiga meðal annars hlut í og eru í nánu samstarfi við Slack sem margir þekkja.“ Slack er spjallforrit fyrir vinnustaði og er metið á 767 milljarða króna.Hvernig hefur rekstur Tempo gengið samhliða miklum vexti? „Reksturinn á síðasta ári var alveg frábær. Hann hefur aldrei verið eins góður. Ég vil ekki gefa upp hver hagnaðurinn var en EBITDA, hagnaður fyrir fjármagnsliði, afskriftir og skatta, sem hlutfall af tekjum var um tíu prósent.“Hver er lykillinn að því? „Við höfum verið varkár þegar kemur að vextinum og gætt þess að ráða ekki starfsfólk nema tryggt sé að auknar tekjur séu handan við hornið. Auk þess hefur okkur auðnast að velja réttu verkefnin sem hafa skilað góðri afkomu.“Krónan er sterk og laun hér á landi eru há, hefur ekki reynst dýrt að hafa Íslendinga á launaskrá í alþjóðlegri samkeppni? „Þetta var erfitt á árinu 2017 en krónan hefur veikst að undanförnu sem hefur bætt stöðuna. En það er einmitt ástæðan fyrir því að starfsmönnum hefur fjölgað hratt í Montreal. Þar kostar minna að framfleyta fjölskyldu og launin eru lægri. Því til viðbótar eru þar margir háskólar og því er greiður aðgangur að öflugu starfsfólki á meðan það er harðar barist um starfsfólk á Íslandi.“ Aðspurður segir Ágúst að í Kanada fáist 25 prósent endurgreiðsla af kostnaði við rannsóknir og þróun án þaks en hérlendis sé hlutfallið 20 prósent og þak. Fyrir liggur frumvarp um að hækka þakið í 600 milljónir úr 300 milljónum króna. Birtist í Fréttablaðinu Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Einar rýfur þögnina: Vísar kenningum um fléttu á bug Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Fleiri fréttir Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Sjá meira
Það er mjög líklegt að höfuðstöðvar Tempo verði fluttar til Bandaríkjanna. Þar er okkar stærsti markaður og eigendur meirihluta félagsins eru í Los Angeles. Við munum áfram reka öflug dótturfélög í Reykjavík og Montreal í Kanada,“ segir Ágúst Einarsson, framkvæmdastjóri Tempo, í samtali við Markaðinn. Fjárfestingafélagið Diversis Capital keypti 55 prósenta hlut í Tempo af Origo, sem áður átti hugbúnaðarfyrirtækið að fullu, í nóvember fyrir 34,5 milljónir dollara, jafnvirði 4,2 milljarða króna. Eigendurnir munu sameiginlega leggja Tempo til tvær milljónir dollara, jafnvirði 241 milljónar króna. Jafnframt hafa þeir lýst yfir vilja til að styðja við innri og ytri vöxt félagsins á næstu árum, eftir því sem tækifæri gefast. Diversis Capital tilefnir þrjá í stjórn Tempo en Origo tvo. „Þeir fara með meirihluta í félaginu og vinna mjög náið með okkur á mörgum sviðum. Þeir horfa til tækifæra í innri vexti – við teljum að hann verði áfram um 30-35 prósent á ári – og mögulega að yfirtaka önnur fyrirtæki. Við fáum stuðning til að hraða vextinum enn frekar en verið hefur,“ segir Ágúst. Origo leitaði að meðfjárfesti í tvö ár og hitti Ágúst yfir 100 fjárfestingasjóði staðsetta í Evrópu og Bandaríkjunum í því skyni. „Hugmyndin var að sjóðurinn væri ekki of stór til þess að við myndum fá næga athygli og stuðning frá honum. Sjóðurinn þurfti að vera sérhæfður á þeirri syllu sem við störfum á og hafa sýnt fram á góðan árangur. Síðast en ekki síst þurfti starfsfólk okkar og þeirra að smella saman. Þetta allt fengum við frá Diversis Capital. Við erum stærsta fjárfesting þeirra og þeir eru afar áhugasamir um reksturinn,“ segir hann.Tíu ára saga Ágúst segir að fyrir tíu árum hafi fámennt teymi innan TM Software, sem var í eigu Nýherja og sameinaðist síðar í Origo, smíðað einfaldan hugbúnað til að sinna tímaskráningum sem fyrst og fremst hafi verið notaður af starfsmönnum. „Við fórum síðar að skima eftir tækifærum og hófum samstarf við Atlassian. Þeirra hugbúnaður, sem snýr að vinnu- og verkefnastjórnun, er í skýinu. Önnur hugbúnaðarfyrirtæki geta þróað viðbætur, eins og við höfum gert. Á þeim tíma var Atlassian lítið og ungt fyrirtæki en veltan hefur vaxið um 40-50 prósent á hverju ári og við höfum fylgt þeim vexti. Tekjur Tempo hafa vaxið um 30-35 prósent á ári. Þær hafa vaxið úr engu í að vera 22 milljónir dollara, jafnvirði 2,6 milljarða króna, á síðasta ári. Starfsmenn eru orðnir rúmlega 100 í þremur löndum. Nær alla tekjurnar eða 99 prósent koma erlendis frá en við erum með 13 þúsund viðskiptavini. Atlassian er með með 134 þúsund viðskiptavini en þar af eru 65 þúsund sem nota Jira og geta þar af leiðandi notað okkar hugbúnað. Á undanförnum tveimur árum höfum við verið að undirbúa að tengjast fleiri kerfum á borð við Jira til að vaxa enn frekar. Það eru færri en tíu slík kerfi sem rökrétt væri fyrir okkur að vera í. Við endurskrifuðum vöruna fyrir Amazon Web Services (AWS) og getum því auðveldlega sótt í önnur kerfi sem eru í skýinu.“Keyptu lítið fyrirtæki í MontrealHefur Tempo áður ráðist í yfirtöku? „Við yfirtókum lítið fyrirtæki í Montreal í Kanada fyrir þremur árum. Það var grunnurinn að uppbyggingunni þar í landi. Starfsmenn þar eru orðnir um 50.“Til hvernig fyrirtækja er horft varðandi yfirtöku? „Þrjár tegundir fyrirtækja koma til greina. Í fyrsta lagi fyrirtæki sem myndi auka markaðshlutdeild okkar hjá Jira. Í öðru lagi fyrirtæki sem myndi hraða vegferð okkar við að byggja upp viðskipti í öðru kerfi því þá þurfum við ekki að byrja frá grunni. Í þriðja lagi kemur til greina að kaupa áhugaverða gervigreindartækni sem eykur sjálfvirkni.“Er engin hætta á að Atlassian hætti að vaxa svona hratt? „Atlassian er metið af rannsóknarfyrirtækjum það allra besta í þessum geira. Um er að ræða nýja kynslóð af hugbúnaði í skýinu sem skákar keppinautnum. Við höfum mikla trú á áframhaldandi vexti hjá þeim.“Nánast hundaheppniVar það ígrunduðuð stefnumiðuð ákvörðun að hefja samstarf við Atlassian eða hundaheppni? „Það má alveg segja að þetta hafi nánast verið hundaheppni. Fyrir tíu árum var Atlassian lítið fyrirtæki frá Ástralíu en okkur þótti varan spennandi. Það hefur verið frábært að vinna með þeim. Þeim vegnar vel og eiga meðal annars hlut í og eru í nánu samstarfi við Slack sem margir þekkja.“ Slack er spjallforrit fyrir vinnustaði og er metið á 767 milljarða króna.Hvernig hefur rekstur Tempo gengið samhliða miklum vexti? „Reksturinn á síðasta ári var alveg frábær. Hann hefur aldrei verið eins góður. Ég vil ekki gefa upp hver hagnaðurinn var en EBITDA, hagnaður fyrir fjármagnsliði, afskriftir og skatta, sem hlutfall af tekjum var um tíu prósent.“Hver er lykillinn að því? „Við höfum verið varkár þegar kemur að vextinum og gætt þess að ráða ekki starfsfólk nema tryggt sé að auknar tekjur séu handan við hornið. Auk þess hefur okkur auðnast að velja réttu verkefnin sem hafa skilað góðri afkomu.“Krónan er sterk og laun hér á landi eru há, hefur ekki reynst dýrt að hafa Íslendinga á launaskrá í alþjóðlegri samkeppni? „Þetta var erfitt á árinu 2017 en krónan hefur veikst að undanförnu sem hefur bætt stöðuna. En það er einmitt ástæðan fyrir því að starfsmönnum hefur fjölgað hratt í Montreal. Þar kostar minna að framfleyta fjölskyldu og launin eru lægri. Því til viðbótar eru þar margir háskólar og því er greiður aðgangur að öflugu starfsfólki á meðan það er harðar barist um starfsfólk á Íslandi.“ Aðspurður segir Ágúst að í Kanada fáist 25 prósent endurgreiðsla af kostnaði við rannsóknir og þróun án þaks en hérlendis sé hlutfallið 20 prósent og þak. Fyrir liggur frumvarp um að hækka þakið í 600 milljónir úr 300 milljónum króna.
Birtist í Fréttablaðinu Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Einar rýfur þögnina: Vísar kenningum um fléttu á bug Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Fleiri fréttir Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Sjá meira