Enn stelur Kertasníkir senunni þótt hann sé ekki kominn til byggða Kolbeinn Tumi Daðason skrifar 19. desember 2019 10:58 Hurðaskellir kíkti í heimsókn í Hæðargarð í gær og brá á leik. Hann er meðal vinsælustu jólasveinanna og getur vel við unað. Vísir/Vilhelm Fimmta árið í röð reyndist Kertasníkir hlutskarpastur jólasveinanna þegar kemur að vinsældum en 29% landsmanna átján ára og eldri tilnefndu Kertasníki sem sinn uppáhalds jólavein. Stúfur reyndist næstvinsælastur sem fyrr en saxaði aftur á móti verulega á forskot Kertasníkis og stökk úr 25% stuðningi í 28%. Þetta kemur fram í nýrri könnun MMR. „Þegar sagan er skoðuð þá sjáum við að stuðningur við Stúf hefur rokið svona upp áður og má sjá vísbendingar um að vinsældir hans fylgi svolítið þeirri poppmenningu sem er uppi hverju sinni,“ segir í tilkynningu MMR. Í ár hafi til að mynda verið gefin út bókin Stúfur hættir að vera jólasveinn sem fengið hefur töluverða athygli og Stúfur sjálfur tekið þátt í almannatengslaherferð til að kynna bókina. Stúfur fór líka með himinskautum í vinsældum árið 2017, sama ár og hann var í aðahlutverki í jólalagi Baggalúts og Friðriks Dórs. Hurðaskellir fylgdi svo á eftir í þriðja sætinu með 11% tilnefninga en röðun þriggja vinsælustu jólasveinanna hefur haldist óbreytt frá því að mælingar hófust árið 2015. Sem fyrr reyndist föruneyti minnst við þá jólasveina sem temja sér að sleikja óhrein matarílát - þ.e. þeirra Askasleikis, Þvörusleikis og Pottaskefils. Jól Skoðanakannanir Mest lesið „Kransarnir mínir eru fullkomlega ófullkomnir“ Jól Opnaði fyrstu jólagjöfina frá kærastanum og bað hann um að gefa sér aldrei aftur gjöf Jól Töfrandi hátíðarborð um jólin Jól Jóladagatal Vísis: Langstærsti smellur Þórunnar Antoníu Jól Framandi en fljótlegir smáréttir um jólin Jól Hollari óhollusta fyrir jólin að hætti Önnu Eiríks Jól „Algjörlega búinn að fá nóg af þessu kirkjukjaftæði“ Jól Taktu þátt í valinu á best skreytta húsinu á Íslandi Jól Jóhann Sigurðsson syngur eitt jólalegasta lagið Jól Jólalag dagsins: Högni Egilsson flytur Yfir fannhvíta jörð Jól
Fimmta árið í röð reyndist Kertasníkir hlutskarpastur jólasveinanna þegar kemur að vinsældum en 29% landsmanna átján ára og eldri tilnefndu Kertasníki sem sinn uppáhalds jólavein. Stúfur reyndist næstvinsælastur sem fyrr en saxaði aftur á móti verulega á forskot Kertasníkis og stökk úr 25% stuðningi í 28%. Þetta kemur fram í nýrri könnun MMR. „Þegar sagan er skoðuð þá sjáum við að stuðningur við Stúf hefur rokið svona upp áður og má sjá vísbendingar um að vinsældir hans fylgi svolítið þeirri poppmenningu sem er uppi hverju sinni,“ segir í tilkynningu MMR. Í ár hafi til að mynda verið gefin út bókin Stúfur hættir að vera jólasveinn sem fengið hefur töluverða athygli og Stúfur sjálfur tekið þátt í almannatengslaherferð til að kynna bókina. Stúfur fór líka með himinskautum í vinsældum árið 2017, sama ár og hann var í aðahlutverki í jólalagi Baggalúts og Friðriks Dórs. Hurðaskellir fylgdi svo á eftir í þriðja sætinu með 11% tilnefninga en röðun þriggja vinsælustu jólasveinanna hefur haldist óbreytt frá því að mælingar hófust árið 2015. Sem fyrr reyndist föruneyti minnst við þá jólasveina sem temja sér að sleikja óhrein matarílát - þ.e. þeirra Askasleikis, Þvörusleikis og Pottaskefils.
Jól Skoðanakannanir Mest lesið „Kransarnir mínir eru fullkomlega ófullkomnir“ Jól Opnaði fyrstu jólagjöfina frá kærastanum og bað hann um að gefa sér aldrei aftur gjöf Jól Töfrandi hátíðarborð um jólin Jól Jóladagatal Vísis: Langstærsti smellur Þórunnar Antoníu Jól Framandi en fljótlegir smáréttir um jólin Jól Hollari óhollusta fyrir jólin að hætti Önnu Eiríks Jól „Algjörlega búinn að fá nóg af þessu kirkjukjaftæði“ Jól Taktu þátt í valinu á best skreytta húsinu á Íslandi Jól Jóhann Sigurðsson syngur eitt jólalegasta lagið Jól Jólalag dagsins: Högni Egilsson flytur Yfir fannhvíta jörð Jól