Námslán hjá Framtíðinni heyra fortíðinni til Kolbeinn Tumi Daðason skrifar 12. júlí 2019 09:15 Valgerður Halldórsdóttir. Framtíðin Fjártæknifyrirtækið Framtíðin hefur ákveðið að hætta að veita námslán. Vala Halldórsdóttir, framkvæmdastjóri Framtíðarinnar, staðfestir þetta í samtali við Vísi. Hún segir um að ræða áherslubreytingar eftir kaup Kviku banka á GAMMA en þrátt fyrir það hafi reksturinn í kringum námslánin gengið mjög vel. Framtíðin er í eigu sjóða sem eru í rekstri fjármálafyrirtækisins GAMMA sem Kvika keypti á síðasta ári. Framtíðin var kynnt til leiks sem námslánasjóður árið 2015 og veitti námsmönnum hvort sem er framfærslu- eða skólagjaldalán. Sjóðurinn áætlaði að veita nokkur hundruð námsmönnum lán á ári, bæði til háskólanáms á Íslandi og erlendri grundu. Starfsnám, endurmenntun og nám með vinnu var einnig lánshæft.Gjöld og vextir á heimasíðu Framtíðarinnar.Plön um lán fyrir meistaranámi með vinnu úr sögunni Kona nokkur hafði samband við Vísi þar sem hún hugðist fara í meistaranám með vinnu á næsta ári. Möguleikar á námsláni hjá LÍN með fullri vinnu eru litlir svo hún hugðist leita til Framtíðarinnar. Þegar hringt er í símanúmerið sem gefið er upp á vefsíðu Framtíðarinnar er ekki gefinn kostur á að ræða við nokkurn heldur aðeins að senda fyrirspurn á netfang Framtíðarinnar. Eftirfarandi svar barst: „Góðan dag, síðustu vikur og mánuði hafa verið miklar breytingar í farvatninu hjá Framtíðinni. Hluti af þessum breytingum eru breyttar áherslur þar sem ákveðið hefur verið að þrengja lánaúrval fyrirtækisins og lána eingöngu lán til fasteignakaupa. Þar af leiðandi þurfum við því miður að tilkynna þér að hætt hefur verið að veita námslán.“ Heimasíða Framtíðarinnar hefur þó ekki tekið tillit til þessara breytinga. Þar má enn sjá verðskrá fyrir námslán, hvort sem er með verðtryggðum eða óverðtryggðum vöxtum, og tilheyrandi gjöld.Marinó Örn Tryggvason er forstjóri Kviku.KvikaNý stjórn hjá Framtíðinni Vala Halldórsdóttir, framkvæmdastjóri Framtíðarinnar, segir í samtali við Vísi að horfið hafi verið frá námslánum þegar kaup Kviku á GAMMA voru samþykkt. Hún taldi að þær upplýsingar lægju fyrir á heimasíðunni en blaðamanni reyndist ómögulegt að finna þær. Vala upplýsir að skipt hafi verið um stjórn í Framtíðinni í síðustu viku. Máni Atlason, héraðsdómslögmaður sem starfar á lögfræðisviði Kviku, er orðinn stjórnarformaður og situr í nýskipaðri stjórn ásamt Völu og Leifi Þorbergssyni, sérfræðingi á fyrirtækjasviði bankans. Hlíf Sturludóttir, fráfarandi stjórnarformaður, hafði engan áhuga á að ræða við blaðamann í dag um stöðu mála. Vísaði hún öllum spurningum á Kviku. Hlíf kynnti námslánin í viðtali í Fréttablaðinu í febrúar 2015 og vöktu þau mikla athygli. Hlíf sagði á sínum tíma að til stæði að fjármagna Framtíðina í gegnum skuldabréfaútgáfur í kauphöll. „Við trúum því að það sé mikil eftirspurn eftir þjónustu á borð við þá sem Framtíðin veitir,“ segir Hlíf varðandi það hvort námslánasjóður eins og Framtíðin geti spjarað sig í samkeppni við LÍN.Hlíf Sturludóttir, fyrrverandi stjórnarformaður Framtíðarinnar, kynnti Framtíðina til leiks á sínum tíma.Fréttablaðið/GVAÁherslubreytingar við flutning til Kviku Framkvæmdastjórinn Vala segir áherslubreytingarnar hafa orðið á starfsemi Framtíðarinnar við flutninginn yfir til Kviku. „Við erum að fara að leggja ríkari áherslu á húsnæðislán og brúarlán, sem hafa gengið afar vel,“ segir Vala. Aðspurð hvort námslánastarfsemin hafi ekki gengið nógu vel er Vala snögg til svars. „Þvert á móti, þetta gekk mjög vel. Við höfum lánað fleiri hundruð námsmönnum,“ segir Vala og minnir á að fjöldi fólks sé með námslán hjá Framtíðinni þótt fleiri verði ekki veitt. Aðspurð hvort það sé ekki skrýtið að hætta að veita námslán fyrst sá bransi gangi svo vel ítrekar hún áherslubreytingar með flutningnum til Kviku. „Húsnæðislán eru náttúrulega lán með veði og allt annars eðlis en námslán. Ólíkar vörur skulum við segja. Við erum að einfalda vöruframboðið.“ Framtíðin hækkað hlutafé sitt um 12,5 milljónir að nafnvirði á síðasta ári, úr 70 í 82,5 milljónir króna. Við það tilefni sagði Vala í viðtali við Viðskiptablaðið að hlutafjárhækkunin hefði verið gerð til að styrkja áframhaldandi vöxt fyrirtækisins. „Við erum búin að bæta nýjum vörum við vöruúrval okkar á árinu og auk þess eru fleiri vörur í farvatninu. Það hefur verið gífurlegur vöxtur hjá okkur og því var ákveðið að hækka hlutaféð," sagði Vala í júlí 2018.Uppfært klukkan 12:37:Framtíðin vill koma á framfæri þessari tilkynningu á vef félagsins um breytt lánaframboð en blaðamanni tókst ekki að finna tilkynninguna þrátt fyrir ítarlega leit. GAMMA Námslán Neytendur Skóla - og menntamál Mest lesið Jón nýr formaður bankaráðs Landsbankans Viðskipti innlent Bankaráðið sakar bankasýsluna um aðdróttanir Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Töpuðu þremur milljörðum á fyrsta ársfjórðungi Viðskipti innlent Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Farsímatekjur undir væntingum Viðskipti innlent Samþykkja helming umsókna um sölu eigna fyrir lok vikunnar Viðskipti innlent Mikill samdráttur á hagnaði Tesla Viðskipti erlent „Enda hefði hún hreinlega ekki nennt að þræta við mig endalaust“ Atvinnulíf Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
Fjártæknifyrirtækið Framtíðin hefur ákveðið að hætta að veita námslán. Vala Halldórsdóttir, framkvæmdastjóri Framtíðarinnar, staðfestir þetta í samtali við Vísi. Hún segir um að ræða áherslubreytingar eftir kaup Kviku banka á GAMMA en þrátt fyrir það hafi reksturinn í kringum námslánin gengið mjög vel. Framtíðin er í eigu sjóða sem eru í rekstri fjármálafyrirtækisins GAMMA sem Kvika keypti á síðasta ári. Framtíðin var kynnt til leiks sem námslánasjóður árið 2015 og veitti námsmönnum hvort sem er framfærslu- eða skólagjaldalán. Sjóðurinn áætlaði að veita nokkur hundruð námsmönnum lán á ári, bæði til háskólanáms á Íslandi og erlendri grundu. Starfsnám, endurmenntun og nám með vinnu var einnig lánshæft.Gjöld og vextir á heimasíðu Framtíðarinnar.Plön um lán fyrir meistaranámi með vinnu úr sögunni Kona nokkur hafði samband við Vísi þar sem hún hugðist fara í meistaranám með vinnu á næsta ári. Möguleikar á námsláni hjá LÍN með fullri vinnu eru litlir svo hún hugðist leita til Framtíðarinnar. Þegar hringt er í símanúmerið sem gefið er upp á vefsíðu Framtíðarinnar er ekki gefinn kostur á að ræða við nokkurn heldur aðeins að senda fyrirspurn á netfang Framtíðarinnar. Eftirfarandi svar barst: „Góðan dag, síðustu vikur og mánuði hafa verið miklar breytingar í farvatninu hjá Framtíðinni. Hluti af þessum breytingum eru breyttar áherslur þar sem ákveðið hefur verið að þrengja lánaúrval fyrirtækisins og lána eingöngu lán til fasteignakaupa. Þar af leiðandi þurfum við því miður að tilkynna þér að hætt hefur verið að veita námslán.“ Heimasíða Framtíðarinnar hefur þó ekki tekið tillit til þessara breytinga. Þar má enn sjá verðskrá fyrir námslán, hvort sem er með verðtryggðum eða óverðtryggðum vöxtum, og tilheyrandi gjöld.Marinó Örn Tryggvason er forstjóri Kviku.KvikaNý stjórn hjá Framtíðinni Vala Halldórsdóttir, framkvæmdastjóri Framtíðarinnar, segir í samtali við Vísi að horfið hafi verið frá námslánum þegar kaup Kviku á GAMMA voru samþykkt. Hún taldi að þær upplýsingar lægju fyrir á heimasíðunni en blaðamanni reyndist ómögulegt að finna þær. Vala upplýsir að skipt hafi verið um stjórn í Framtíðinni í síðustu viku. Máni Atlason, héraðsdómslögmaður sem starfar á lögfræðisviði Kviku, er orðinn stjórnarformaður og situr í nýskipaðri stjórn ásamt Völu og Leifi Þorbergssyni, sérfræðingi á fyrirtækjasviði bankans. Hlíf Sturludóttir, fráfarandi stjórnarformaður, hafði engan áhuga á að ræða við blaðamann í dag um stöðu mála. Vísaði hún öllum spurningum á Kviku. Hlíf kynnti námslánin í viðtali í Fréttablaðinu í febrúar 2015 og vöktu þau mikla athygli. Hlíf sagði á sínum tíma að til stæði að fjármagna Framtíðina í gegnum skuldabréfaútgáfur í kauphöll. „Við trúum því að það sé mikil eftirspurn eftir þjónustu á borð við þá sem Framtíðin veitir,“ segir Hlíf varðandi það hvort námslánasjóður eins og Framtíðin geti spjarað sig í samkeppni við LÍN.Hlíf Sturludóttir, fyrrverandi stjórnarformaður Framtíðarinnar, kynnti Framtíðina til leiks á sínum tíma.Fréttablaðið/GVAÁherslubreytingar við flutning til Kviku Framkvæmdastjórinn Vala segir áherslubreytingarnar hafa orðið á starfsemi Framtíðarinnar við flutninginn yfir til Kviku. „Við erum að fara að leggja ríkari áherslu á húsnæðislán og brúarlán, sem hafa gengið afar vel,“ segir Vala. Aðspurð hvort námslánastarfsemin hafi ekki gengið nógu vel er Vala snögg til svars. „Þvert á móti, þetta gekk mjög vel. Við höfum lánað fleiri hundruð námsmönnum,“ segir Vala og minnir á að fjöldi fólks sé með námslán hjá Framtíðinni þótt fleiri verði ekki veitt. Aðspurð hvort það sé ekki skrýtið að hætta að veita námslán fyrst sá bransi gangi svo vel ítrekar hún áherslubreytingar með flutningnum til Kviku. „Húsnæðislán eru náttúrulega lán með veði og allt annars eðlis en námslán. Ólíkar vörur skulum við segja. Við erum að einfalda vöruframboðið.“ Framtíðin hækkað hlutafé sitt um 12,5 milljónir að nafnvirði á síðasta ári, úr 70 í 82,5 milljónir króna. Við það tilefni sagði Vala í viðtali við Viðskiptablaðið að hlutafjárhækkunin hefði verið gerð til að styrkja áframhaldandi vöxt fyrirtækisins. „Við erum búin að bæta nýjum vörum við vöruúrval okkar á árinu og auk þess eru fleiri vörur í farvatninu. Það hefur verið gífurlegur vöxtur hjá okkur og því var ákveðið að hækka hlutaféð," sagði Vala í júlí 2018.Uppfært klukkan 12:37:Framtíðin vill koma á framfæri þessari tilkynningu á vef félagsins um breytt lánaframboð en blaðamanni tókst ekki að finna tilkynninguna þrátt fyrir ítarlega leit.
GAMMA Námslán Neytendur Skóla - og menntamál Mest lesið Jón nýr formaður bankaráðs Landsbankans Viðskipti innlent Bankaráðið sakar bankasýsluna um aðdróttanir Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Töpuðu þremur milljörðum á fyrsta ársfjórðungi Viðskipti innlent Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Farsímatekjur undir væntingum Viðskipti innlent Samþykkja helming umsókna um sölu eigna fyrir lok vikunnar Viðskipti innlent Mikill samdráttur á hagnaði Tesla Viðskipti erlent „Enda hefði hún hreinlega ekki nennt að þræta við mig endalaust“ Atvinnulíf Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira