Ögmundur og Hólmar Örn í toppbaráttu

Tveir íslenskir knattspyrnumenn voru að ljúka sér af í verkefnum sínum í Evrópuboltanum nú rétt í þessu.

Ögmundur Kristinsson stóð allan tímann í markinu hjá Larissa sem gerði 1-1 jafntefli við Asteras Tripolis í grísku úrvalsdeildinni. Jeronimo Barellas skoraði framhjá Ögmundi snemma leiks en Jean Luc jafnaði fyrir Larissa á 60.mínútu. Ögmundur og félagar í 4.sæti deildarinnar. 

Á sama tíma lék Hólmar Örn Eyjólfsson allan leikinn í hjarta varnarinnar hjá Levski Sofia sem vann 2-0 sigur á Vitosha Bistritsa í búlgörsku úrvalsdeildinni. Levski Sofia í 2.sæti deildarinnar, 5 stigum á eftir toppliði Ludogorets.