Níu flug frá landinu í dag

Níu brottfarir verða frá Keflavíkurflugvelli í dag til jafn margra borga. Þetta er veruleg aukning frá síðustu árum en lengi vel var ekkert millilandaflug frá landinu á jóladag.

Hvorki komur né brottfarir eru áætlaðar hjá íslensku flugfélögunum í dag en þó má gera ráð fyrir einhverjum fjölda sem mun fara í gegnum í Leifsstöð í dag. Tíu komur eru áætlaðar til Íslands í dag hjá erlendum flugfélögum og flestar frá Kaupmannahöfn eða tvær talsins.

Fyrsta flug dagsins frá Íslandi var klukkan eitt í nótt. Þá flaug flugvél Wizz air frá Keflavíkurflugvelli til Varsjá. Wizz air er með flestar ferðir allra flugfélaga frá Keflavíkurflugvelli í dag, fimm flug til fimm mismunandi borga.

Á vef Túrista kemur fram að veruleg aukning sé á milli ára. Í fyrra voru fimm flug frá Íslandi til annarra landa með erlendum flugfélögum. Þau íslensku virðast halda í hefðina og bjóða ekki upp á ferðir á jóladag.