40 prósenta samdráttur í sölu nýrra fólksbíla Kolbeinn Tumi Daðason skrifar 7. mars 2019 10:16 Í tilkynningu frá Bílgreinasambandinu er minnt á að sala á bílum undanfarin þrjú ár hafi verið í miklum hæðum. Vísir/Hanna 40,8 prósenta samdráttur varð í sölu nýrra fólksbíla bíla í janúar og febrúar 2019 samanborið við sama tímabil árið 2018. Alls voru skráðir 1.647 nýir fólksbílar í janúar og febrúar 2019. Eru þetta 1.135 bílum færra en það sem var selt í fyrra. Þetta kemur fram í tilkynningu frá Bílgreinasambandinu. Skiptingin milli mánaðanna tveggja er með eftirfarandi hætti: -846 fólksbílar í janúar 2019 en 1.624 bílar í fyrra (47,9% samdráttur). -801 fólksbíll í febrúar 2019 en 1.159 bílar í fyrra (30,9% samdráttur). Hlutfall sölu milli bílaleigubíla og sölu til almennings núna þegar kemur að fólksbílum er nokkuð sambærilegt við síðasta ár, eða um 36% til bílaleiga. Til samanburðar var hlutfall bílaleiga 37% árið 2018 og 39% árið 2017 (af heildarsölu hvors árs). Þá var þetta hlutfall enn hærra árin þar á undan og því ljóst að hlutfall bílaleigubíla hefur yfir lengri tíma verið að dragast heldur saman. Rafmagns- og tengiltvinnbílar halda áfram að auka hlutfall sitt af seldum bílum, og eru þeir um 24% af heildarsölu fyrstu tvo mánuði ársins en voru um 21% allt árið í fyrra. Áætlanir gerðu ráð fyrir nokkurri minnkun í sölu á þessu ári, en þessi raunsala fyrstu tvo mánuðina er um 20% undir þeirri áætlun. Heilt yfir má þó segja að salan sé ágæt miðað við aðstæður og ýmislegt sem ber að hafa í huga þegar salan er skoðuð í samanburði við fyrri ár. „Í fyrsta lagi þá er markaðurinn að koma úr þremur af stærstu bílasöluárum sögunnar, auk þess sem janúar 2018 var óvenju stór. Sagan sýnir jafnframt að sala nýrra bíla gengur í sveiflum og því viðbúið að það yrði áframhaldandi minnkun núna á milli ára. Í öðru lagi þá hafa, fyrir utan almennar hækkanir á bílverðum sökum gengisþróunar, einnig verið ýmsir óvissuþættir til staðar síðustu misseri sem hafa hugsanlega haft áhrif á bílkaupendur. Má þar helst nefna stöðu flugfélaganna og möguleg áhrif þeirra á ferðaþjónustuna og þ.a.l. efnahagslífið í heild sinni, breytingar sem áttu að eiga sér stað varðandi vörugjöld bifreiða í tengslum við útblástursmælingar, og svo núna yfirvofandi kjarasamningar og áhrif þeirra. Við þetta má að lokum bæta afnámi ívilnunar vörugjalda til bílaleiga sem er líklegt til að draga úr bílakaupum þeirra,“ segir í tilkynningunni. Bílgreinasambandið segist hafa beitt sér fyrir því á haustdögum að ofangreindar breyttar mæliaðferðir á útblæstri bifreiða myndu ekki hafa mikil áhrif á vörugjöld bíla frá því sem áður var, sem mundi hafa í för með sér verulega hækkun á bílverðum almennt. „Það gekk eftir og því búið að eyða þeim óvissuþætti í bili, og auk þess hefur gengi krónunnar verið nokkuð stöðugt undanfarið. Eftir standa þó stórir þættir eins og kjarasamningar sem auka óvissu og hafa mögulega neikvæð áhrif á kauphegðun einstaklinga og fyrirtækja.“ Þetta breyti þó ekki því að bílaflotinn þurfi að halda áfram að endurnýja sig og muni gera það, en m.a. hafi þróun á bensín- og díselvélum og einnig sífelld aukning á úrvali bíltegunda með nýjum orkugjöfum ýtt undir áhuga fólks og fyrirtækja á að skoða nýja bíla og endurnýja. „Vonir standa því til þess að árið endi með ágætum, sérstaklega eftir því sem óvissuþættir í efnahagslífinu skýrast, þó það verði hugsanlega minni bílasala en undanfarin ár sem hafa verið sögulega mjög stór - enda er margt spennandi að gerast á bílamarkaðnum um þessar mundir.“ Bílar Neytendur Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Segir að Play sé og verði áfram með höfuðstöðvar á Íslandi Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
40,8 prósenta samdráttur varð í sölu nýrra fólksbíla bíla í janúar og febrúar 2019 samanborið við sama tímabil árið 2018. Alls voru skráðir 1.647 nýir fólksbílar í janúar og febrúar 2019. Eru þetta 1.135 bílum færra en það sem var selt í fyrra. Þetta kemur fram í tilkynningu frá Bílgreinasambandinu. Skiptingin milli mánaðanna tveggja er með eftirfarandi hætti: -846 fólksbílar í janúar 2019 en 1.624 bílar í fyrra (47,9% samdráttur). -801 fólksbíll í febrúar 2019 en 1.159 bílar í fyrra (30,9% samdráttur). Hlutfall sölu milli bílaleigubíla og sölu til almennings núna þegar kemur að fólksbílum er nokkuð sambærilegt við síðasta ár, eða um 36% til bílaleiga. Til samanburðar var hlutfall bílaleiga 37% árið 2018 og 39% árið 2017 (af heildarsölu hvors árs). Þá var þetta hlutfall enn hærra árin þar á undan og því ljóst að hlutfall bílaleigubíla hefur yfir lengri tíma verið að dragast heldur saman. Rafmagns- og tengiltvinnbílar halda áfram að auka hlutfall sitt af seldum bílum, og eru þeir um 24% af heildarsölu fyrstu tvo mánuði ársins en voru um 21% allt árið í fyrra. Áætlanir gerðu ráð fyrir nokkurri minnkun í sölu á þessu ári, en þessi raunsala fyrstu tvo mánuðina er um 20% undir þeirri áætlun. Heilt yfir má þó segja að salan sé ágæt miðað við aðstæður og ýmislegt sem ber að hafa í huga þegar salan er skoðuð í samanburði við fyrri ár. „Í fyrsta lagi þá er markaðurinn að koma úr þremur af stærstu bílasöluárum sögunnar, auk þess sem janúar 2018 var óvenju stór. Sagan sýnir jafnframt að sala nýrra bíla gengur í sveiflum og því viðbúið að það yrði áframhaldandi minnkun núna á milli ára. Í öðru lagi þá hafa, fyrir utan almennar hækkanir á bílverðum sökum gengisþróunar, einnig verið ýmsir óvissuþættir til staðar síðustu misseri sem hafa hugsanlega haft áhrif á bílkaupendur. Má þar helst nefna stöðu flugfélaganna og möguleg áhrif þeirra á ferðaþjónustuna og þ.a.l. efnahagslífið í heild sinni, breytingar sem áttu að eiga sér stað varðandi vörugjöld bifreiða í tengslum við útblástursmælingar, og svo núna yfirvofandi kjarasamningar og áhrif þeirra. Við þetta má að lokum bæta afnámi ívilnunar vörugjalda til bílaleiga sem er líklegt til að draga úr bílakaupum þeirra,“ segir í tilkynningunni. Bílgreinasambandið segist hafa beitt sér fyrir því á haustdögum að ofangreindar breyttar mæliaðferðir á útblæstri bifreiða myndu ekki hafa mikil áhrif á vörugjöld bíla frá því sem áður var, sem mundi hafa í för með sér verulega hækkun á bílverðum almennt. „Það gekk eftir og því búið að eyða þeim óvissuþætti í bili, og auk þess hefur gengi krónunnar verið nokkuð stöðugt undanfarið. Eftir standa þó stórir þættir eins og kjarasamningar sem auka óvissu og hafa mögulega neikvæð áhrif á kauphegðun einstaklinga og fyrirtækja.“ Þetta breyti þó ekki því að bílaflotinn þurfi að halda áfram að endurnýja sig og muni gera það, en m.a. hafi þróun á bensín- og díselvélum og einnig sífelld aukning á úrvali bíltegunda með nýjum orkugjöfum ýtt undir áhuga fólks og fyrirtækja á að skoða nýja bíla og endurnýja. „Vonir standa því til þess að árið endi með ágætum, sérstaklega eftir því sem óvissuþættir í efnahagslífinu skýrast, þó það verði hugsanlega minni bílasala en undanfarin ár sem hafa verið sögulega mjög stór - enda er margt spennandi að gerast á bílamarkaðnum um þessar mundir.“
Bílar Neytendur Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Segir að Play sé og verði áfram með höfuðstöðvar á Íslandi Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira