Umhverfis- og samgöngunefnd, með Ara Trausta Guðmundsson sem starfandi formann um þessar mundir, ræðir þessa vikuna við fulltrúa landshlutasamtaka sveitarfélaga um veggjöld. Við sýndum nefndina á fundi með bæjarráði Seyðisfjarðar og fulltrúum Sambands sveitarfélaga á Austurlandi en á undan þeim komu fulltrúar höfuðborgarsvæðsins fyrir nefndina.

Fulltrúar Norðurlands vestra, þau Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, og Þorleifur Karl Eggertsson, formaður samtakanna og oddviti Húnaþings vestra, færðu þingnefndinni þau skilaboð að meira fé þyrfti í vegi eins og Skagastrandarveg og Vatnsnesveg.

-Þannig að þið viljið meira malbik?
„Meira malbik,“ svarar hún.
Stefnt er að því að Alþingi klári samgönguáætlun eftir tvær vikur en aðalviðfangsefni þingnefndarinnar er að heyra afstöðu sveitarstjórnarmanna til veggjalda.

„Já, við gerum það, algjörlega.“
-Og þá til þess að fá Fjarðarheiðargöng?
„Já, meðal annars. Og samgöngubætur í landinu. Það þarf náttúrlega að halda byggð í öllu landinu, ekki satt?,“ svarar Aðalheiður.

„Það er alveg ljóst að það þarf að gera stórátak í samgöngumálum bara á landinu öllu. Auðvitað er enginn hrifinn af auknum álögum, - það segir sig sjálft. En hins vegar ef það verður til þess að við náum að hraða samgönguframkvæmdum þá er það eitthvað sem maður verður að taka jákvætt í. Við getum í raun ekki sagt annað,“ svarar Unnur Valborg.

„Nei, við fengum ekki Fjarðarheiðargöng á silfurfati, því miður. En það er einhver svona smáglufa. Við erum alltaf vongóð og hættum ekkert að berjast,“ segir bæjarstjóri Seyðisfjarðar.
Hér má sjá frétt Stöðvar 2: