Skráning á markað orðin fýsilegri Þorsteinn Friðrik Halldórsson skrifar 19. september 2019 06:45 Skráning er ekki jafn íþyngjandi og mörg fyrirtæki búast við. Fréttablaðið/Daníel Samdráttur í lánveitingum í bankakerfinu og minni fjárfesting einstaklinga á fasteignamarkaði getur skapað tækifæri fyrir smærri fyrirtæki til að leita fjármagns á hlutabréfamarkaði. Íslensk stjórnvöld geta horft til úrræða sem Norðurlöndin hafa gripið til í því skyni að efla þátttöku almennings á hlutabréfamarkaði. Þetta segir Baldur Thorlacius, viðskiptastjóri hjá Nasdaq Iceland, í samtali við Fréttablaðið. Í síðustu viku hófst námskeiðið First North – næsta skref sem er á vegum Nasaq Iceland og samstarfsaðila. Um er að ræða undirbúningsnámskeið fyrir stjórnendur fyrirtækja sem líta á skráningu á hlutabréfamarkað sem eitt af mögulegum framtíðarmarkmiðum sínum. Þetta er annað árið í röð sem námskeiðið er haldið og hafa tíu fyrirtæki skráð þátttöku. „Það er fyrirséð að samdráttur verði í lánveitingum hjá bönkunum og að hlutverk þeirra verði fremur að miðla fjármagni í gegnum skuldabréfaútgáfur á verðbréfamarkaði. Eins og staðan er í dag á verðbréfamarkaði má segja að smærri fyrirtæki séu að missa af lestinni og við viljum sjá til þess að svo verði ekki,“ segir Baldur. „Auk þess hafa fjárfestingar almennings farið að miklu leyti á fasteignamarkaðinn, til dæmis í kaup og útleigu á íbúðum á Airbnb, en margt bendir til þess að nú sé minna fjármagn að streyma þangað. Þannig verða eflaust tækifæri fyrir annars konar fjárfestingarkosti á komandi misserum.“ Námskeiðið fer þannig fram að einu sinni í mánuði er haldinn fundur þar sem stjórnendur fá fræðslu og lesefni frá sérfræðingum sem gagnast til að undirbúa frekari vöxt óháð því hvort fyrirtækið verði skráð á markað. Baldur segir að stjórnendur fyrirtækja sem hafi mætt á námskeiðin séu allir á sama máli um að skráning á markað sé ekki jafn íþyngjandi og þeir bjuggust við. „Skráning á markað er sú leið sem hefur sannað sig mest hér á landi eins og sjá má á ævintýralegum vexti félaga eins og Marel, Össurar og Actavis. Þau fóru öll tiltölulega snemma á markað og nýttu það til að fara í yfirtökur, vaxa og ná þeirri stöðu sem þau hafa í dag. Við viljum nota þessi dæmi sem innblástur fyrir nýsköpunarfyrirtæki morgundagsins,“ segir Baldur. Aðspurður segir Baldur að engin formleg viðmið séu um stærð fyrirtækja til að þau geti skráð sig á markað. Hann bendir jafnframt á að hið hefðbundna fyrirtæki á First North í Stokkhólmi, þar sem markaðurinn er hvað virkastur á Norðurlöndunum, sé með um 20 starfsmenn og 100 milljónir íslenskra króna í veltu. Þar megi finna mörg fyrirtæki sem réðust snemma í skráningarferli. Þá bendir hann á að stjórnvöld geti horft til úrræða sem gripið hefur verið til með farsælum hætti á hinum Norðurlöndunum til að auka þátttöku almennings á hlutabréfamarkaði. „Umhverfið hér er að mörgu leyti ásættanlegt en ekki framúrskarandi. Ef við berum okkur saman við hinar Norðurlandaþjóðirnar þá verðum við frá næstu áramótum eina þjóðin sem er ekki búin að taka upp það sam kallast sparifjárreikningar. Það eru reikningar sem einstaklingar geta notað til þess að fjárfesta í hlutabréfum og sjóðum, og fela í sér skattalegt hagræði,“ segir Baldur. „Svíar tóku þetta upp árið 2012 og hin löndin sáu hversu vel þessir reikningar virkuðu til að efla fjármögnun smærri fyrirtækja. Útfærslurnar eru ólíkar og skattahagræðið mismikið en viðleitnin er sú sama.“ Af þeim tíu fyrirtækjum sem taka þátt í námskeiðinu eru fjögur í hugbúnaðargeiranum, fjögur í iðnaði, eitt í rannsóknum og nýsköpun og eitt í skapandi greinum. Stærð fyrirtækjanna er allt frá því að vera að hefja tekjuöflun upp í að vera með tvo milljarða króna í ársveltu. Um helmingur þeirra skilaði hagnaði á síðasta reikningsári. Á fyrsta námskeiðinu tóku 17 fyrirtæki þátt og leiddi könnun Nasdaq Iceland í ljós að af þeim ellefu fyrirtækjum sem svöruðu stefndu átta á skráningu á markað innan fimm ára. „Lokaákvörðun um skráningu tekur oft lengri tíma en maður myndi vilja en það er skiljanlegt vegna þess að þetta er stór ákvörðun.“ Birtist í Fréttablaðinu Íslenskir bankar Markaðir Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf „Ég var skíthrædd að senda þessa tölvupósta“ Atvinnulíf Tekjur Apple drógust saman enn eina ferðina Viðskipti erlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Samdráttur í lánveitingum í bankakerfinu og minni fjárfesting einstaklinga á fasteignamarkaði getur skapað tækifæri fyrir smærri fyrirtæki til að leita fjármagns á hlutabréfamarkaði. Íslensk stjórnvöld geta horft til úrræða sem Norðurlöndin hafa gripið til í því skyni að efla þátttöku almennings á hlutabréfamarkaði. Þetta segir Baldur Thorlacius, viðskiptastjóri hjá Nasdaq Iceland, í samtali við Fréttablaðið. Í síðustu viku hófst námskeiðið First North – næsta skref sem er á vegum Nasaq Iceland og samstarfsaðila. Um er að ræða undirbúningsnámskeið fyrir stjórnendur fyrirtækja sem líta á skráningu á hlutabréfamarkað sem eitt af mögulegum framtíðarmarkmiðum sínum. Þetta er annað árið í röð sem námskeiðið er haldið og hafa tíu fyrirtæki skráð þátttöku. „Það er fyrirséð að samdráttur verði í lánveitingum hjá bönkunum og að hlutverk þeirra verði fremur að miðla fjármagni í gegnum skuldabréfaútgáfur á verðbréfamarkaði. Eins og staðan er í dag á verðbréfamarkaði má segja að smærri fyrirtæki séu að missa af lestinni og við viljum sjá til þess að svo verði ekki,“ segir Baldur. „Auk þess hafa fjárfestingar almennings farið að miklu leyti á fasteignamarkaðinn, til dæmis í kaup og útleigu á íbúðum á Airbnb, en margt bendir til þess að nú sé minna fjármagn að streyma þangað. Þannig verða eflaust tækifæri fyrir annars konar fjárfestingarkosti á komandi misserum.“ Námskeiðið fer þannig fram að einu sinni í mánuði er haldinn fundur þar sem stjórnendur fá fræðslu og lesefni frá sérfræðingum sem gagnast til að undirbúa frekari vöxt óháð því hvort fyrirtækið verði skráð á markað. Baldur segir að stjórnendur fyrirtækja sem hafi mætt á námskeiðin séu allir á sama máli um að skráning á markað sé ekki jafn íþyngjandi og þeir bjuggust við. „Skráning á markað er sú leið sem hefur sannað sig mest hér á landi eins og sjá má á ævintýralegum vexti félaga eins og Marel, Össurar og Actavis. Þau fóru öll tiltölulega snemma á markað og nýttu það til að fara í yfirtökur, vaxa og ná þeirri stöðu sem þau hafa í dag. Við viljum nota þessi dæmi sem innblástur fyrir nýsköpunarfyrirtæki morgundagsins,“ segir Baldur. Aðspurður segir Baldur að engin formleg viðmið séu um stærð fyrirtækja til að þau geti skráð sig á markað. Hann bendir jafnframt á að hið hefðbundna fyrirtæki á First North í Stokkhólmi, þar sem markaðurinn er hvað virkastur á Norðurlöndunum, sé með um 20 starfsmenn og 100 milljónir íslenskra króna í veltu. Þar megi finna mörg fyrirtæki sem réðust snemma í skráningarferli. Þá bendir hann á að stjórnvöld geti horft til úrræða sem gripið hefur verið til með farsælum hætti á hinum Norðurlöndunum til að auka þátttöku almennings á hlutabréfamarkaði. „Umhverfið hér er að mörgu leyti ásættanlegt en ekki framúrskarandi. Ef við berum okkur saman við hinar Norðurlandaþjóðirnar þá verðum við frá næstu áramótum eina þjóðin sem er ekki búin að taka upp það sam kallast sparifjárreikningar. Það eru reikningar sem einstaklingar geta notað til þess að fjárfesta í hlutabréfum og sjóðum, og fela í sér skattalegt hagræði,“ segir Baldur. „Svíar tóku þetta upp árið 2012 og hin löndin sáu hversu vel þessir reikningar virkuðu til að efla fjármögnun smærri fyrirtækja. Útfærslurnar eru ólíkar og skattahagræðið mismikið en viðleitnin er sú sama.“ Af þeim tíu fyrirtækjum sem taka þátt í námskeiðinu eru fjögur í hugbúnaðargeiranum, fjögur í iðnaði, eitt í rannsóknum og nýsköpun og eitt í skapandi greinum. Stærð fyrirtækjanna er allt frá því að vera að hefja tekjuöflun upp í að vera með tvo milljarða króna í ársveltu. Um helmingur þeirra skilaði hagnaði á síðasta reikningsári. Á fyrsta námskeiðinu tóku 17 fyrirtæki þátt og leiddi könnun Nasdaq Iceland í ljós að af þeim ellefu fyrirtækjum sem svöruðu stefndu átta á skráningu á markað innan fimm ára. „Lokaákvörðun um skráningu tekur oft lengri tíma en maður myndi vilja en það er skiljanlegt vegna þess að þetta er stór ákvörðun.“
Birtist í Fréttablaðinu Íslenskir bankar Markaðir Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf „Ég var skíthrædd að senda þessa tölvupósta“ Atvinnulíf Tekjur Apple drógust saman enn eina ferðina Viðskipti erlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira