Körfubolti

Martin frábær er Alba tryggði sér oddaleik

Anton Ingi Leifsson skrifar
Martin í fyrsta leik liðanna.
Martin í fyrsta leik liðanna. vísir/getty
Martin Hermannsson og félagar í Alba Berlín jöfnuðu metin í úrslitaeinvíginu í Evrópubikarnum gegn Valencia, 95-92, og fer því oddaleikur fram í Valencia á mánudaginn.

Valencia vann fyrsta leik liðanna fyrr í vikunni á Spáni og því var að duga eða drepast fyrir Alba á heimavelli fyrir framan fullt hús í Mercedez-höllinni í Berlín.

Það var fínn kraftur í Alba í fyrri hálfleik. Þeir voru tveimur stigum yfir að loknum fyrsta leikhlutanum og leiddu með þremur stigum í hálfleik, 42-39.

Spánverjarnir voru þó aldrei langt undan og eftir afar jafnan og spennandi síðari hálfleik jafnaði Alba Berlín er tvær sekúndur voru eftir af leiknum, 83-83. Því þurfti að framlengja.

Í framlengingunni voru það heimamenn í Alba sem voru sterkari en munurinn varð þrjú stig, 95-92. Það er því oddaleikur á Spáni á mánudaginn.

Martin átti mjög flottan leik fyrir Alba. Hann var skoraðið fjórtán stig. Martin tók einnig fjögur fráköst og gaf sex stoðsendingar. Frábært kvöld.





Körfubolti

Mest lesið


Fleiri fréttir

Sjá meira


×

Mest lesið