Sjáðu fimmu frá Steph Curry hitta beint í hjartastað

Stephen Curry er einn allra vinsælasti körfuboltamaður heims í dag. Þarna er á ferðinni leikmaður NBA-meistara Golden State Warriors og besta þriggja stiga skytta allra tíma.

Vinsældir Stephen Curry eru miklar og líka hjá stuðningsmönnum mótherja Golden State Warriors liðsins.

Það sást einmitt í Madison Sqaure Garden á dögunum þar sem Golden State liðið mætti heimamönnum í New York Knicks.

Ungur stuðningsmaður New York Knicks var mættur snemma til að fylgjast með upphitun leikmanna. Hann var klæddur í búining New York leikmannsins Kristaps Porzingis en fékk þó ekki að fylgjast með Lettanum sem sleit krossband fyrr í vetur.

Þegar Stephen Curry kom inn í salinn, bauð strákurinn honum fimmu og Curry gaf honum fimmu til baka.

Viðbrögðin hjá stráknum eru mjög sérstök og hafa fært honum frægð á netinu því það er óhætta að segja að fimma Curry hafi hitt hann beint í hjartstað.

ESPN náði mynd af þessu og birti á Twitter-síðu sinni eins og sjá má hér fyrir neðan.

This kid's reaction to a Steph Curry high five is priceless (via @NBA) pic.twitter.com/d2C8MBvTqC

— ESPN (@espn) February 27, 2018

Stephen Curry skoraði 21 stig í leiknum þar af setti hann niður fjórar þriggja stiga körfur. Curry var einnig með 5 fráköst og 5 stoðsendingar í leiknum.