Írsku verkamennirnir hurfu í skyndingu þegar lögreglan nálgaðist

Lögreglunni á Akureyri bárust í gær að minnsta kosti sex tilkynningar um írska menn, sem gengu hús úr húsi og buðu fram vinnu við garðaumhirðu eða þvott á bílaplönum og eru þarna líklega á ferð Írarnir, sem gert hafa vart við sig á höfuðborgarsvæðinu að undanförnu og margir hafa kvartað um ágang þeirra í viðskiptum.

Lögreglan á Akureyri vildi hafa tal af mönnunum eftir að tilkynningar bárust, en alls staðar greip hún í tómt því mennirnir hurfu í skyndingu ef viðskipti voru ekki strax í hendi. Lögreglan veit ekki hvar þeir hafast við.