Sjáðu mörkin og vítaspyrnukeppnina hjá Arsenal og Atletico

Atletico Madrid hafði betur í vítaspyrnukeppni gegn Arsenal í vináttuleik liðanna sem fram fór í Singapúr í dag. Luciano Vietto kom Atletico yfir í fyrri hálfleik áður en hinn 17 ára Emile Smith-Rowe jafnaði fyrir Arsenal.

Hvorugu liðinu tókst að skora sigurmark og grípa þurfti til vítaspyrnukeppni. Vítaspyrnukeppnin fer ekki í sögubækurnar, aðeins var skorað úr fjórum vítum. Rodrigo, Antonio Adan og Victor Mollejo skoruðu fyrir Atletico og tryggðu þeim sigur.

Arsenal stillti upp nokkuð sterku liði, Alexandre Lacazette, Pierre-Emerick Aubameyang og Aaron Ramsey voru allir í byrjunarliði Arsenal. Mesut Özil var þó ekki í hóp hjá Arsenal.

Mörkin úr leiknum og vítaspyrnukeppnina má sjá hér að neðan.