Fjárfestar fagna tilkynningu Icelandair

Hlutabréfaverð í Icelandair hefur hækkað um næstum 7 prósent það sem af er degi. Viðskipti með bréfin er einnig töluverð, eða um 950 milljónir króna.

Ætla má að hækkunina megi rekja beint til tilkynningar sem Icelandair Group sendi frá sér í gærkvöldi þar sem boðað var til hluthafafundar í lok mánaðar.

Þar verða fyrirhuguð kaup félagsins á WOW Air til umfjöllunar en meðal dagskrárliða eru tillögur um að stjórn Icelandair Group verði veitt heimild til að auka hlutafé um rúmlega 960 milljónir króna.

Fjárfestar hafa tekið þessum tíðindum fagnandi í dag og hefur það orðið til þess að nú í hádeginu var verð bréfa í Icelandair um 11,5 krónur á hlut. Verðið á bréfinu hefur hæst farið í um 11,7 krónur í dag en það hefur ekki verið hærra síðan í upphafi júlímánaðar. Alls hefur verð bréfanna hækkað um 63 prósent síðastliðinn mánuð.

Hækkun á hlutabréfaverði Icelandair hefur drifið áfram hækkun úrvalsvísitölunnar í dag, en hækkunin er nú um 0,52 prósent. Hækkun annarra félaga í Kauphöllinni er þó hógvær. Næst á eftir Icelandair koma Heimavellir, en bréf félagsins hafa hækkað um tæplega 1 prósent í morgun.

Mesta hækkun dagsins

---

Félag

Br.%

Fj.

Velta*

Verð*

ISB

1,42

47

894.035

128,6

ICEAIR

1,21

74

144.572

1,93

SKEL

1,19

5

2.120

17,0

REGINN

1,08

7

62.474

37,4

REITIR

1,05

5

26.576

96,5

Mesta lækkun dagsins

---

Félag

Br.%

Fj.

Velta*

Verð*

ICESEA

-1,48

6

11.778

13,3

SVN

-0,99

13

47.940

100,0

ARION

0

40

369.132

175,0

EIM

0

6

19.907

565,0

FESTI

0

4

56.120

244,0