Dortmund sigraði Manchester City í Bandaríkjunum

Borussia Dortmund vann 1-0 sigur á Manchester City í æfingamóti í Bandaríkjunum í gærnótt.

Eina mark leiksins kom eftir um hálftíma leik. Dortmund fengu þá vítaspyrnu eftir að Oleksandr Zinchenko hafði brotið á Christian Pulisic. Mario Götze fór á punktinn og skoraði af öryggi.

City spilaði án þeirra 16 leikmanna sem tóku þátt á heimsmeistaramótinu í Rússlandi en nýjast leikmaður þeirra, Riyad Mahrez, lék í 70 mínútur.

Næsti leikur City í Bandaríkjunum er gegn Liverpool þann 25. júlí.