Elísabet Bretadrottning á fremsta bekk

Þær eru nú margar tískudrottningarnar sem prýða fremsta bekk á helstu sýningum heimsins en í gær settist alvöru drottning, sjálf Elísabet Bretadrottning, á fremsta bekk sýningar Richard Quinn. 

Quinn vann til verðlauna breska tískuráðsins eða inaugural Queen Elizabeth II Award for British Design og tók við þeim eftir sýningu frá Elísabetu sjálfri. Það kom flestum á óvart þegar Elísabet heiðraði selskapinn með nærveru sinni en búið var að setja bláan púða í stól hennar á fremsta bekk þar sem hún sat í góðu yfirlæti við hliðin á Önnu Wintour, ritstjóra bandaríska Vogue.

Eins og myndirnar gefa til kynna fór vel á með þeim tveimur, og Anna tók ekki niður sólgleraugun, ekki einu sinni fyrir drottninguna.