Það eru stórir fiskar í Kleifarvatni Karl Lúðvíksson skrifar 13. maí 2018 09:57 Kleifarvatn er mörgum veiðimanninum dulin ráðgáta því sama hvað þeir fara oft í vatnið aldrei tekur fiskur. Svo berast fréttir og veiðimenn deila myndum af veiði í vatninu og fer þá hver að spyrja sig hver munurinn á aðferðum til veiðanna sé. Málið er að aðferðirnar eru yfirleitt ekki svo frábrugðnar heldur tími dags sem veitt er. Veiðin í Kleifarvatni er nefnilega langsamlega best seint á kvöldin og helst á björtum nóttum eins og núna. Það getur verið mjög gaman við vatnið um miðnætti á sumarnóttum þegar það er logn því þá eru mestar líkur á að sjá þessa stóru fiska sem þá sýna sig í vatninu. Það er eins og stóru fiskarnir komi upp úr dýpinu á kvöldin og þá eru þeir að stökkva á spúna, maðk og straumflugur veiðimanna. Þetta er í raun ekkert ósvipað því að veiða í Veiðivötnum hvað aðferðir mætir að því undanskildu að öll notkun á makríl er auðvitað bönnuð. Þeir sem veiða vel í vatninu veiða mest á kvöldin og á nóttunni og það hefur ekki einn staður verið eitthvað betri en annar heldur er þetta auðvitað oft svolítil heppni að vera á réttum stað hverju sinni þegar fiskurinn er í ætisleit. Svo er líka málið að það þarf oft ekkert að kasta langt út því hann kemur oft æði nærri landi og þá sjást boðaföllin vel þegar til dæmis urriðinn eltir síli stundum ekki nema 8-10 metra frá landi. Mest lesið Maðkur er munaðarvara Veiði Blanda opnar með 15 löxum fyrsta daginn Veiði I hope I got the right one! Veiði Opið hús hjá SVFR í kvöld Veiði Tóti Tönn og félagar ekki í Blönduopnun Veiði 45 fiskar á land við opnun Varmár Veiði Vinningshafar í Veiðikortaleik Veiðivísis Veiði 43 urriðar á land á einum degi Veiði Mikil aukning erlendra veiðimanna í silung Veiði Þegar örflugurnar gefa best Veiði
Kleifarvatn er mörgum veiðimanninum dulin ráðgáta því sama hvað þeir fara oft í vatnið aldrei tekur fiskur. Svo berast fréttir og veiðimenn deila myndum af veiði í vatninu og fer þá hver að spyrja sig hver munurinn á aðferðum til veiðanna sé. Málið er að aðferðirnar eru yfirleitt ekki svo frábrugðnar heldur tími dags sem veitt er. Veiðin í Kleifarvatni er nefnilega langsamlega best seint á kvöldin og helst á björtum nóttum eins og núna. Það getur verið mjög gaman við vatnið um miðnætti á sumarnóttum þegar það er logn því þá eru mestar líkur á að sjá þessa stóru fiska sem þá sýna sig í vatninu. Það er eins og stóru fiskarnir komi upp úr dýpinu á kvöldin og þá eru þeir að stökkva á spúna, maðk og straumflugur veiðimanna. Þetta er í raun ekkert ósvipað því að veiða í Veiðivötnum hvað aðferðir mætir að því undanskildu að öll notkun á makríl er auðvitað bönnuð. Þeir sem veiða vel í vatninu veiða mest á kvöldin og á nóttunni og það hefur ekki einn staður verið eitthvað betri en annar heldur er þetta auðvitað oft svolítil heppni að vera á réttum stað hverju sinni þegar fiskurinn er í ætisleit. Svo er líka málið að það þarf oft ekkert að kasta langt út því hann kemur oft æði nærri landi og þá sjást boðaföllin vel þegar til dæmis urriðinn eltir síli stundum ekki nema 8-10 metra frá landi.
Mest lesið Maðkur er munaðarvara Veiði Blanda opnar með 15 löxum fyrsta daginn Veiði I hope I got the right one! Veiði Opið hús hjá SVFR í kvöld Veiði Tóti Tönn og félagar ekki í Blönduopnun Veiði 45 fiskar á land við opnun Varmár Veiði Vinningshafar í Veiðikortaleik Veiðivísis Veiði 43 urriðar á land á einum degi Veiði Mikil aukning erlendra veiðimanna í silung Veiði Þegar örflugurnar gefa best Veiði