Endurgerði 15 ára gamalt fagn | Myndband

Hinn stórkostlegi útherji New Orleans Saints, Michael Thomas, bauð upp á frábært fagn í sigrinum á LA Rams í gær.

Þá hafði Thomas haft fyrir því að fela gamlan samlokusíma upp við endamarksstöngina. Hann náði svo í símann eftir að hafa skorað frábært snertimark.

Þetta er nákvæmlega sama fagn og Joe Horn, fyrrum leikmaður Saints, bauð upp á fyrir 15 árum síðan.

Side-by-side of Joe Horn and Michael Thomas (@Cantguardmike) doing the flip phone celebration for the Saints. pic.twitter.com/ZowNKZ1dCl

— Jeff D Lowe (@JeffDLowe) November 5, 2018

Ekki voru allir hrifnir af þessu uppátæki Thomas enda sigurinn ekki alveg í höfn er hann fagnaði. Þetta fagn þýddi nefnilega fimmtán jarda víti sem hefði getað verið dýrt spaug.

Þetta slapp þó fyrir horn og þetta fagn Thomas mun lifa lengi.

Hann var með 211 gripna jarda í leiknum sem er persónulegt met sem og hjá Saints. Það mátti því alveg leyfa sér aðeins.