DV Dagleg Vitleysa

Það hefur átt sér stað mikill breyting hjá DV frá því að Kormákur Guðjónsson tók við ritstjórn, nú þurfa blaðamenn alls ekki að vanda upplýsingaöflun sína, úrvinnslu og framsetningu, hvað þá sýna fyllstu tillitsemi. Eftir lestur greinar hans Kristjóns Kormáks ritstjóra þann 27. apríl sl., þá var mér það ljóst að ritstjórinn lagði mikið á sig til að koma inn persónuárásum.    

Í þessari umfjöllun Kristjóns er ekki var borin undir samþykki, þá valdi Kristjón þá leið einnig að koma inn ósannindum og slíta setningar í sundur, til þess eins að sverta mann niður. Kristjón velur ekki þá leið að hafa samband við viðkomandi áður, heldur segir eftir á að hann hafi reynt að hafa samband, svona rétt eins og hann gefi sér það alltaf, að þögn sé sama og samþykki. Það er ekki rétt að ég eigi að hafa sagt: „hverjir það séu sem að stýra heiminum á bak við tjöldin“, heldur minntist ég á fjölmiðla, bankaelítur og vopnasöluframleiðendur.

Varðandi Davið Icke og eðlufólk, þá svaraði ég Kristjóni, að ég tryði ekki á þessar kenningar Davíðs Icke um eðlufólk, en Kristjón kemur inn þeirri lygi í greininni „Hann er fimm mínútur frá því að tala um eðlufólk...“. Það vita það nú allir sem þekkja mig, að ég trúi EKKI á að eðlufólk sé til. En hvers vegna var Kristjón að koma inn þessum lygum með, að „Hann er fimm mínútur frá því að tala um eðlufólk..“, nema til þess eins þá að sverta og klína á mig einhverju sem að ég átti alls ekki skilið? Þegar að ég sagði við hann Kristjón, að „þetta er algjör áróður í Morgunblaðinu og áróðursblað, en það góða við blaðið er að það geta allir fengið að skrifa í það“, þá kaus Kristjón að slíta setninguna í sundur, og þannig til að koma bara inn: „Þetta er algjör áróður. Áróðursblað“.

Hvað varðar ásakanir hans um að undirritaður eigi að hafa afgreitt tvær 17 ára stúlkur, þá sé ég ekki neinar sannanir fyrir því hjá DV, og ekki athugaði hann Kristjón það neitt á staðnum. Ég geri mér fulla grein fyrir því að ég get hugsanlega gert mistök, og ef svo er þá biðst ég velvirðingar á því, en í þessu tilfelli hvað varðar ásakanir um þessar tvær 17 ára stúlkur, þá tel ég svo alls ekki hafa verðið. Kristjón fer alls ekki eftir því sem segir með, að „hver maður er talinn saklaus þar til sekt hans hefur verið sönnuð“, heldur dæmir sjálfur í málinu, svo og til að selja DV.

Kristjón kemur inn því bulli með að það „..kæmi ekki á óvart að hún [pylsan] hafi legið í pottinum í nokkra daga“.  Ekki kvartaði Kristjón yfir pylsunni eða hvað þá kom með eina einustu athugasemd í því sambandi þarna í söluturninum. Undirritaður er á því að þetta sé illkvittnislega gert, og að Kristjón hati undirritaðan mjög mikið. Ég veit það ekki en kannski eru menn heiðraðir og verðlaunaðir sérstaklega hjá DV fyrir að níðast á fólki með óleyfilegri myndbirtingu og fullu nafni. Menn spyrja mig, „hvað heldur þú Þorsteinn að margir skemmtistaðir, veitingastaðir og vínveitingastaðir hafi óvart afgreitt einhvern sem að þeir töldu vera 21 árs, en var svo undir aldri, og ekki var svona hraunað og drullað yfir þá eins og þig? Þessi Kristjón hann hatar þig, það er ekki spurning.“

Þetta með að ég eigi hafa sagt : „Spilakassarnir komu fyrst, svo þurfti ég að bæta við ... spilakössum og þá þurfti ég að hafa vínveitingaleyfi, svarar Þorsteinn og slítur samtalinu“, eru ekkert annað en ósannindi því að í þessu sambandi þá var EKKI haft samband við undirritaðan fyrir birtingu greinar hans Kristjóns, nú og ef þetta símtal hefur verið hljóðritað, þá er þetta ALLS EKKI rödd undirritaðs. Eftir birtingu greinarinnar þá fékk undirritaður að vita það, að ritstjórinn hefði farið með tóma þvælu, þar sem það liggur fyrir að  ritstjórinn og kvikmyndagerðarmaðurinn  sjálfur hefðu komið pennanum (með földu myndavélinni í) fyrir þarna í vasanum, en ekki að einhver hefði laumað þessum penna á sig. Þar sem að Kristjón segist EKKI hafa náð sambandi við undirritaðan, þá hefði hann einfaldlega geta sent SMS og/eða tölvupóst með leyfi til að birta í blaðinu, en þetta hjá honum snérist allt saman um að selja DV.  þar sem allt það mannlega er látið víkja til að selja DV, eða svo að blaðið verði ekki gefið út næst einu sinni í mánuði.

Höfundur er margmiðlunarfræðingur og afgreiðslumaður.