Búist við rigningu í dag

Búist er við suðaustan átt, 8 til 15 metrum á sekúndu, og rigningu í dag, fyrst suðvestanlands. Hægari vindur og þurrt á Norðaustur- og Austurlandi, en smávæta þar í kvöld. Hiti 2 til 7 stig, en í kringum frostmark norðaustanlands.

Suðvestan 8-15 með éljum og heldur kólnandi veðri á morgun, en léttskýjað á Norðaustur- og Austurlandi.

Suðvestan átt er spáð áfram á laugardag. Léttskýjað austantil á landinu, annars él. Hiti um eða undir frostmarki.

Veðurhorfur á landinu næstu daga

Á föstudag:

Suðvestan 8-15 m/s og él, en hægari og léttskýjað á NA- og A-landi. Kólnandi, hiti kringum frostmark síðdegis.



Á laugardag:

Suðvestan 5-13 og él, en léttskýjað á A-verðu landinu. Frost 0 til 7 stig, en frostlaust við S- og V-ströndina.

Á sunnudag:

Austlæg átt og fer að snjóa, frost 0 til 5 stig. Slydda eða rigning og hlánar síðdegis á S-landi.

Á mánudag (gamlársdagur):

Norðaustanátt með snjókomu á N- og A-landi, en rofar til S-lands. Frost 0 til 5 stig, en hiti 1 til 5 stig syðst.

Á þriðjudag (nýársdagur):

Austanátt og slydda eða snjókoma með S-ströndinni, annars þurrt. Frost 0 til 10 stig, kaldast NA-lands.

Á miðvikudag:

Austanátt og slydda eða rigning á S- og SV-landi, en léttskýjað NA-lands.