WNBA lið reyndi í 25 tíma að komast á staðinn en þurfti að gefa leikinn

Leikur Las Vegas Aces og Washington Mystics í WNBA-deildinni í körfubolta átti að fara fram um síðustu helgi en ekkert varð þó af leiknum.

Leikmenn Las Vegas Aces komust nefnilega ekki á staðinn. Í fyrstu var ákveðið að fresta leiknum en yfirmenn WNBA-deildarinnar hafa nú ákveðið að leikurinn teljist tapaður hjá liði Las Vegas Aces.

Ástæðan er að Las Vegas Aces mætti ekki á staðinn. Það var þó ekki af því að þau reyndu ekki að komast til Washington borgar.

Leikmenn og þjálfarar Las Vegas Aces eyddu 25 klukkutímum á flugvöllum og í flugvélum í tilraunum sínum við að komast frá Las Vegas til Washington.

Men have chartered flights, women fly commercial. Men have time zone rules and a day of rest, women don’t. The NBA owns both leagues. Where’s the equity??!! #NBA#WNBA#GenderGap#genderequity  https://t.co/taVkhGjS7p

— Tawnya Shaw (@LadyTshaw3) August 8, 2018

Þau lentu hinsvegar í miklum ógöngum vegna þess að fjölmörg flug féllu niður þennan dag.

Liðin í NBA deildinni ferðast í einkaflugvélum en sömu sögu er ekki að segja af kvennaliðunum.

Leikmennirnir í WNBA fá ekki slíkan lúxus heldur þurfa þeir að ferðast með venjulegu áætlunnarflugi í leikina sína.

Tapið er slæmt fyrir Las Vegas Aces í baráttu liðsins fyrir að komast í úrslitakeppnina en fyrir þessi úrslit var liðið aðeins einum og hálfum sigri frá síðasta sætinu sem hefur farseðil í úrslitakeppnina.

Full statement on tonight's canceled game in Washington.  pic.twitter.com/SBCypeCav8

— Las Vegas Aces (@LVAces) August 4, 2018