Ólíklegt að Modric fari til Inter

Ekki eru miklar líkur á því að Luka Modric yfirgefi Real Madrid og gangi í raðir Inter Milan í þessum félagskiptaglugga eins og orðrómar hafa verið um.

Sky á Ítalíu greinir frá þessu nú undir kvöld en Modric er sagður ólmur vilja komast til Ítalíu og umboðsmaður hans hefur fundað með Real undanfarna daga.

Florentino Perez, forseti Real Madrid, hefur engan áhuga á að losa Modric og hefur sett fótinn fyrir dyrnar. Ekki bætti úr skák að Real tapaði gegn Atletico í Ofurbikarnum í gær.

Samkvæmt Sky á Ítalíu telst það mjög ólíklegt að hinn 33 ára gamli Króati gangi í raðir Inter áður en félagsskiptaglugganum á Ítalíu lokar á föstudagskvöldið.