Bale skoraði í sigri Real á hálftómum Bernabeu

Real Madrid byrjar spænsku deildina á 2-0 sigri á Getafe en þetta var fyrsti leikur Real í deildinni þetta tímabilið.

Fyrsta markið kom eftir tuttugu mínútur en þá skoraði Dani Caravajal. Hann skoraði með skalla eftir fyrirgjöf. 1-0 í hálfleik.

Síðara markið skoraði Gareth Bale á 51. mínútu en það er ljóst að það verður meiri ábyrgð á Bale eftir að Cristiano Ronaldo yfirgaf félagið.

Það voru ekki nema rúmlega 48 þúsund manns á Bernabeu í kvöld sem er yfirleitt þéttsetinn en hann tekur rúmlega 80 þúsund manns í sæti. Tómlegt í kvöld.

Real og Barcelona því bæði með þrjú stig eftir fyrstu umferðina.