Musa frá Leicester til Sádi-Arabíu

Nígeríski sóknarmaðurinn Ahmed Musa hefur yfirgefið enska úrvalsdeildarfélagið Leicester City og er búinn að semja við Al-Nassr í Sádi-Arabíu.

Musa sem er 25 ára gamall gerir fjögurra ára samning við Al-Nassr og er kaupverðið talið vera 17,5 milljónir punda.

Musa var um tíma dýrasti leikmaður í sögu Leicester þegar hann var keyptur til félagsins frá CSKA Moskva á 16 milljónir punda sumarið 2016. Hann náði hins vegar aldrei að festa sig í sessi hjá Leicester og lék aðeins 33 leiki fyrir liðið og skoraði í þeim 5 mörk áður en hann var lánaður aftur til CSKA á seinni hluta síðustu leiktíðar og skoraði hann 6 mörk í 10 leikjum í rússnesku úrvalsdeildinni.

Eins og Íslendingar muna líklega flestir var Musa hluti af nígeríska landsliðinu á HM í Rússlandi þar sem hann gerði bæði mörk Nígeríu í 2-0 sigri á strákunum okkar í Volgograd.

Musa var kynntur til leiks hjá Al-Nassr með mögnuðu myndbandi sem sjá má hér að neðan en þar má meðal annars sjá mörk hans gegn Íslandi.

 

Ahmed Musa has finally completed his move from Leicester to Al-Nassr, Saudi Arabia for a fee worth about £17.5M

His unveiling video is classy. pic.twitter.com/OjXTh9uC1P

— Wale Adetona (@iSlimfit) August 3, 2018