Félögin skoða nú erlenda fjármögnun Kristinn Ingi Jónsson skrifar 22. febrúar 2018 08:00 Margt bendir til þess að erlendir fjárfestar hafi áhuga á því að kaupa skráð langtímaskuldabréf íslensku fasteignafélaganna. Innflæðishöft Seðlabankans koma hins vegar í veg fyrir að það sé mögulegt. Vísir/Daníel Skráðu fasteignafélögin þrjú, Eik, Reginn og Reitir, hafa það öll til skoðunar að sækja fjármagn til erlendra fjárfesta. Forsvarsmenn félaganna segjast finna fyrir miklum áhuga af hálfu slíkra fjárfesta á því að kaupa skráð skuldabréf fasteignafélaganna. Höft sem Seðlabanki Íslands setti á innflæði fjármagns sumarið 2016 hamli hins vegar erlendum fjárfestingum og haldi vaxtakjörum hærri en annars. „Ég tel að aflétting bindiskyldunnar, sér í lagi á fyrirtækjaskuldabréf, myndi hafa jákvæð áhrif á markaðinn,“ segir Einar Þorsteinsson, fjármálastjóri Reita, í samtali við Markaðinn. Lýður Heiðar Gunnarsson, framkvæmdastjóri fjármálasviðs Eikar, segir að innflæðishöftin hafi hamlandi áhrif á fjármögnunarkosti íslenskra fyrirtækja og haldi vaxtakjörum þeirra hærri en ella. Helgi S. Gunnarsson, forstjóri Regins, upplýsti á fjárfestafundi félagsins í síðustu viku að félagið hefði hug á því að skoða erlenda fjármögnun í krónum. „Við teljum að það muni opnast á næstu árum, hvort sem það gerist á einu ári eða þremur. Þess vegna þurfum við að vera búin undir það,“ nefndi hann.„Um leið og bindiskyldan losnar koma erlendir aðilar á fleygiferð inn í skuldabréfin. Það er okkar skoðun. Og þá eigum við von á að vextir keyrist niður. Umrædd innflæðishöft virka þannig að 40 prósent af innflæði fjármagns vegna fjárfestinga í skráðum skuldabréfum og innlánum þarf að binda í eitt ár á núll prósent vöxtum. Höftunum var meðal annars ætlað að sporna við vaxtamunarviðskiptum með íslensk ríkisskuldabréf, þar sem aðdráttaraflið er einkum að hagnast á miklum vaxtamun Íslands við útlönd, en höftin standa jafnframt í vegi fyrir kaupum erlendra fjárfesta á skráðum skuldabréfum fasteignafélaganna. Þannig hefur fjármögnunarkostnaður fasteignafélaga, sem eru jafnan talin útgefendur hvað öruggastra fyrirtækjaskuldabréfa á markaði, stóraukist á síðustu tveimur árum, mælt í vaxtaálagi á ríkistryggða vexti. Viðmælendur Markaðarins telja margt benda til þess að erlendir fjárfestar hafi um þessar mundir mikinn áhuga á því að taka þátt í fjármögnun íslenskra fasteignafélaga. Fjögurra milljarða króna lánssamningur Almenna leigufélagsins við sjóð í stýringu bandaríska eignastýringarfyrirtækisins Eaton Vance Management, sem tilkynnt var um í síðasta mánuði, sé til marks um þennan áhuga. Fjármálafyrirtækið Fossar markaðir hafði milligöngu um lánveitinguna.Helgi S. Gunnarsson, forstjóri Regins.Vísir/GVA„Það er tvímælalaust mikill áhugi af hálfu erlendra fjárfesta á að fjárfesta í skuldabréfum fasteignafélaga í krónum sem rímar við áhuga þeirra á að fjárfesta í hlutafé félaganna,“ segir Einar. „Rekstur skráðu fasteignafélaganna þriggja er tiltölulega stöðugur og skilar jafnri og taktfastri afkomu og líkist þannig skuldabréfum að einhverju leyti,“ bætir hann við Einar segir að Reitir séu að skoða ýmsar leiðir í fjármögnun, þar á meðal í gegnum erlenda fjárfesta. Bindiskyldan hafi þó hamlandi áhrif. Hann nefnir að félagið hafi á árinu 2015 komið á fót nýju fyrirkomulagi í kringum fjármögnun félagsins sem hafi einfaldað verulega útgáfu og skráningu skuldabréfa þess. „Þannig að þegar létt verður á bindiskyldunni gætum við þá brugðist fljótt við og gefið út bréf ef áhugi er fyrir hendi,“ segir Einar. „Við leitumst ávallt við að ná fram sem hagstæðastri fjármagnsskipan hverju sinni og þar með talið að leita leiða til þess að lágmarka fjármagnsgjöld félagsins,“ segir Lýður hjá Eik. Félagið efndi til útboðs á skuldabréfum í október í fyrra en í tilkynningu var tekið fram að Fossum mörkuðum hefði verið falið að sjá um markaðssetningu á útboðinu til erlendra fjárfesta. Birtist í Fréttablaðinu Húsnæðismál Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf „Ég var skíthrædd að senda þessa tölvupósta“ Atvinnulíf Tekjur Apple drógust saman enn eina ferðina Viðskipti erlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Skráðu fasteignafélögin þrjú, Eik, Reginn og Reitir, hafa það öll til skoðunar að sækja fjármagn til erlendra fjárfesta. Forsvarsmenn félaganna segjast finna fyrir miklum áhuga af hálfu slíkra fjárfesta á því að kaupa skráð skuldabréf fasteignafélaganna. Höft sem Seðlabanki Íslands setti á innflæði fjármagns sumarið 2016 hamli hins vegar erlendum fjárfestingum og haldi vaxtakjörum hærri en annars. „Ég tel að aflétting bindiskyldunnar, sér í lagi á fyrirtækjaskuldabréf, myndi hafa jákvæð áhrif á markaðinn,“ segir Einar Þorsteinsson, fjármálastjóri Reita, í samtali við Markaðinn. Lýður Heiðar Gunnarsson, framkvæmdastjóri fjármálasviðs Eikar, segir að innflæðishöftin hafi hamlandi áhrif á fjármögnunarkosti íslenskra fyrirtækja og haldi vaxtakjörum þeirra hærri en ella. Helgi S. Gunnarsson, forstjóri Regins, upplýsti á fjárfestafundi félagsins í síðustu viku að félagið hefði hug á því að skoða erlenda fjármögnun í krónum. „Við teljum að það muni opnast á næstu árum, hvort sem það gerist á einu ári eða þremur. Þess vegna þurfum við að vera búin undir það,“ nefndi hann.„Um leið og bindiskyldan losnar koma erlendir aðilar á fleygiferð inn í skuldabréfin. Það er okkar skoðun. Og þá eigum við von á að vextir keyrist niður. Umrædd innflæðishöft virka þannig að 40 prósent af innflæði fjármagns vegna fjárfestinga í skráðum skuldabréfum og innlánum þarf að binda í eitt ár á núll prósent vöxtum. Höftunum var meðal annars ætlað að sporna við vaxtamunarviðskiptum með íslensk ríkisskuldabréf, þar sem aðdráttaraflið er einkum að hagnast á miklum vaxtamun Íslands við útlönd, en höftin standa jafnframt í vegi fyrir kaupum erlendra fjárfesta á skráðum skuldabréfum fasteignafélaganna. Þannig hefur fjármögnunarkostnaður fasteignafélaga, sem eru jafnan talin útgefendur hvað öruggastra fyrirtækjaskuldabréfa á markaði, stóraukist á síðustu tveimur árum, mælt í vaxtaálagi á ríkistryggða vexti. Viðmælendur Markaðarins telja margt benda til þess að erlendir fjárfestar hafi um þessar mundir mikinn áhuga á því að taka þátt í fjármögnun íslenskra fasteignafélaga. Fjögurra milljarða króna lánssamningur Almenna leigufélagsins við sjóð í stýringu bandaríska eignastýringarfyrirtækisins Eaton Vance Management, sem tilkynnt var um í síðasta mánuði, sé til marks um þennan áhuga. Fjármálafyrirtækið Fossar markaðir hafði milligöngu um lánveitinguna.Helgi S. Gunnarsson, forstjóri Regins.Vísir/GVA„Það er tvímælalaust mikill áhugi af hálfu erlendra fjárfesta á að fjárfesta í skuldabréfum fasteignafélaga í krónum sem rímar við áhuga þeirra á að fjárfesta í hlutafé félaganna,“ segir Einar. „Rekstur skráðu fasteignafélaganna þriggja er tiltölulega stöðugur og skilar jafnri og taktfastri afkomu og líkist þannig skuldabréfum að einhverju leyti,“ bætir hann við Einar segir að Reitir séu að skoða ýmsar leiðir í fjármögnun, þar á meðal í gegnum erlenda fjárfesta. Bindiskyldan hafi þó hamlandi áhrif. Hann nefnir að félagið hafi á árinu 2015 komið á fót nýju fyrirkomulagi í kringum fjármögnun félagsins sem hafi einfaldað verulega útgáfu og skráningu skuldabréfa þess. „Þannig að þegar létt verður á bindiskyldunni gætum við þá brugðist fljótt við og gefið út bréf ef áhugi er fyrir hendi,“ segir Einar. „Við leitumst ávallt við að ná fram sem hagstæðastri fjármagnsskipan hverju sinni og þar með talið að leita leiða til þess að lágmarka fjármagnsgjöld félagsins,“ segir Lýður hjá Eik. Félagið efndi til útboðs á skuldabréfum í október í fyrra en í tilkynningu var tekið fram að Fossum mörkuðum hefði verið falið að sjá um markaðssetningu á útboðinu til erlendra fjárfesta.
Birtist í Fréttablaðinu Húsnæðismál Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf „Ég var skíthrædd að senda þessa tölvupósta“ Atvinnulíf Tekjur Apple drógust saman enn eina ferðina Viðskipti erlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira