Hefja úttekt á skotvopnum lögreglu

Ríkisendurskoðun hefur ákveðið að hefja stjórnsýslu­úttekt á skráningu, varðveislu og meðferð lögregluvopna. Niðurstöður verða kynntar Alþingi í haust.

Fyrir eru fjórar úttektir stofnunarinnar í vinnslu auk almennra eftirfylgniúttekta í kjölfar fyrri skýrslna.

Þar er um að ræða skýrslu um stöðu í heilbrigðisþjónustu við fanga, skýrsla um árangur af fækkun sýslumannsembætta, skýrsla um eftirlit Fiskistofu og svo er skýrsla um starfsemi Útlendingastofnunar. Síðastnefnda skýrslan er unnin að beiðni Alþingis.