Innkalla rúmlega 1600 nýlega Mitshubishi-bíla á Íslandi

Hekla hf. mun þurfa að innkalla 1611 nýlegar Mitsubishi-bifreiðar vegna hugbúnaðarvillu. Um er að ræða tegundirnar ASX, Eclipse árgerð 2018 , Outlander og Outlander PHEV árgerðir 2017 til 2018.

Ástæða innköllunarinnar er sögð á vef Neytendastofu vera villa í hugbúnaði fyrir stöðugleikakerfi sem gæti haft áhrif á ABS hemlakerfi virki ekki sem skyldi.

Viðgerðin er sögð felast í hugbúnaðaruppfærslu sem tekur um það bil 20 mínútur og verður viðkomandi bifreiðareigendum tilkynnt um innköllunina bréfleiðis.

„Neytendastofa hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband við umboðið ef þeir eru í vafa,“ segir á vef Neytendastofu.