Þarf að útskýra hvernig hún gat eytt 600 þúsund á dag í Harrods Stefán Ó. Jónsson skrifar 10. október 2018 15:56 Zamira Hajiyeva árið 2015. EAST2WEST NEWS Konu að nafni Zamira Hajiyeva, fædd í Aserbaídsjan en býr nú á Bretlandseyjum, hefur verið gert að greina frá því hvernig hún hafði efni á að kaupa rándýra íbúð í Lundúnum, golfvöll í Berkskíri og eyða háum fjárhæðum í lúxusverslunarmiðstöðinni Harrods. Um er að ræða fyrsta mál sinnar tegundar á Bretlandseyjum. Löggæsluyfirvöldum þar í landi áskotnuðust nýlega valdheimildir sem gera þeim kleift að krefja útlenska auðkýfinga um að greina frá uppruna auðæfa sinna. Valdheimildinni, sem ber heitið „Óútskýrð auðæfi“ (e. Unexplained Wealth Order) er ætlað að fletta ofan af spillingu og sporna við peningaþvætti á Bretlandseyjum. Breska lögreglumenn grunar að milljörðum illa fenginna punda hafi verið varið til að fjárfesta í fasteignum í landinu. Þeim hefur hins vegar reynst ómögulegt að sækja fólk til saka sem grunað er um peningaþvætti vegna skorts á sönnunargögnum. Nýja valdheimildin er sögð svar við því. Nú gætu útlenskir auðjöfrar, sem eiga fasteignir á Bretlandseyjum, þurft að greina frá því fyrir dómstólum hvernig peningar þeirra eru tilkomnir. Ellegar eiga þeir á hættu að eignir þeirra verði gerðar upptækar. Fyrrnefndri Hajiyeva hefur einmitt verið gert að varpa ljósi á það hvernig hún hafði efni á því að eyða tugum milljóna punda í Bretlandi á síðustu árum. Jahangir Hajiyev, eiginmaður Zamiru Hajiyeva.Vísir/gettyÁ vef breska ríkisútvarpsins er þess meðal annars getið að hún hafi varið um 16 milljónum punda, næstum 2,5 milljörðum króna á gengi dagsins í dag, í verslunarmiðstöðinni Harrods á síðastliðnum 10 árum. Það gerir rúmlega 600 þúsund krónur á dag. Þar að auki á hún að hafa fjárfest í íbúð fyrir 11 milljónir punda skammt frá Harrods, að því er virðist til að auðvelda búðarápið. Þá keypti hún jafnframt golfvöll fyrir rúmlega 10 milljónir punda árið 2013, sem og 42 milljóna punda einkaþotu.Eiginmaðurinn handtekinn Hajiyeva er gift Jahangir Hajiyev, sem eitt sinn var bankastjóri Alþjóðabanka Aserbaídsjan. Hann var árið 2016 dæmdur í 15 ára fangelsi fyrir umfangsmikið fjármálamisferli, en tugir milljóna punda eru hreinlega sagðar hafa horfið úr hirslum bankans. Þá var honum gert að greiða 39 milljónir dala, rúmlega 4 milljarða króna, í skaðabætur. Hajiyeva neitar því að peningarnir sem notaðir voru til að standa undir lúxuslífinu í Lundúnum hafi verið illa fengnir. Eiginmaður hennar hefur að sama skapi ætíð neitað því að hafa nokkuð með fyrrnefnt fjármálamisferli að gera. Bresk löggæsluyfirvöld eru þó á öðrum máli. Þau benda á að Jahangir Hajiyev var ríkisstarfsmaður á árunum 1993 til 2015 og það verði að teljast ólíklegt að hann hafi getað auðgast jafn mikið og raun ber vitni af störfum sínum fyrir hið opinbera - nema að maðkur sé í mysunni. Nánar má fræðast um málið á vef breska ríkisútvarpsins. Mest lesið Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Mikill samdráttur á hagnaði Tesla Viðskipti erlent Fjármálastjóri Play segir upp Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Konu að nafni Zamira Hajiyeva, fædd í Aserbaídsjan en býr nú á Bretlandseyjum, hefur verið gert að greina frá því hvernig hún hafði efni á að kaupa rándýra íbúð í Lundúnum, golfvöll í Berkskíri og eyða háum fjárhæðum í lúxusverslunarmiðstöðinni Harrods. Um er að ræða fyrsta mál sinnar tegundar á Bretlandseyjum. Löggæsluyfirvöldum þar í landi áskotnuðust nýlega valdheimildir sem gera þeim kleift að krefja útlenska auðkýfinga um að greina frá uppruna auðæfa sinna. Valdheimildinni, sem ber heitið „Óútskýrð auðæfi“ (e. Unexplained Wealth Order) er ætlað að fletta ofan af spillingu og sporna við peningaþvætti á Bretlandseyjum. Breska lögreglumenn grunar að milljörðum illa fenginna punda hafi verið varið til að fjárfesta í fasteignum í landinu. Þeim hefur hins vegar reynst ómögulegt að sækja fólk til saka sem grunað er um peningaþvætti vegna skorts á sönnunargögnum. Nýja valdheimildin er sögð svar við því. Nú gætu útlenskir auðjöfrar, sem eiga fasteignir á Bretlandseyjum, þurft að greina frá því fyrir dómstólum hvernig peningar þeirra eru tilkomnir. Ellegar eiga þeir á hættu að eignir þeirra verði gerðar upptækar. Fyrrnefndri Hajiyeva hefur einmitt verið gert að varpa ljósi á það hvernig hún hafði efni á því að eyða tugum milljóna punda í Bretlandi á síðustu árum. Jahangir Hajiyev, eiginmaður Zamiru Hajiyeva.Vísir/gettyÁ vef breska ríkisútvarpsins er þess meðal annars getið að hún hafi varið um 16 milljónum punda, næstum 2,5 milljörðum króna á gengi dagsins í dag, í verslunarmiðstöðinni Harrods á síðastliðnum 10 árum. Það gerir rúmlega 600 þúsund krónur á dag. Þar að auki á hún að hafa fjárfest í íbúð fyrir 11 milljónir punda skammt frá Harrods, að því er virðist til að auðvelda búðarápið. Þá keypti hún jafnframt golfvöll fyrir rúmlega 10 milljónir punda árið 2013, sem og 42 milljóna punda einkaþotu.Eiginmaðurinn handtekinn Hajiyeva er gift Jahangir Hajiyev, sem eitt sinn var bankastjóri Alþjóðabanka Aserbaídsjan. Hann var árið 2016 dæmdur í 15 ára fangelsi fyrir umfangsmikið fjármálamisferli, en tugir milljóna punda eru hreinlega sagðar hafa horfið úr hirslum bankans. Þá var honum gert að greiða 39 milljónir dala, rúmlega 4 milljarða króna, í skaðabætur. Hajiyeva neitar því að peningarnir sem notaðir voru til að standa undir lúxuslífinu í Lundúnum hafi verið illa fengnir. Eiginmaður hennar hefur að sama skapi ætíð neitað því að hafa nokkuð með fyrrnefnt fjármálamisferli að gera. Bresk löggæsluyfirvöld eru þó á öðrum máli. Þau benda á að Jahangir Hajiyev var ríkisstarfsmaður á árunum 1993 til 2015 og það verði að teljast ólíklegt að hann hafi getað auðgast jafn mikið og raun ber vitni af störfum sínum fyrir hið opinbera - nema að maðkur sé í mysunni. Nánar má fræðast um málið á vef breska ríkisútvarpsins.
Mest lesið Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Mikill samdráttur á hagnaði Tesla Viðskipti erlent Fjármálastjóri Play segir upp Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira