Innlent

Segja frumvarp Brynjars enn eitt vopnið fyrir ofbeldismenn

Kolbeinn Tumi Daðason skrifar
156 skrifuðu undir yfirlýsinguna í morgun og fleiri hafa bæst við að sögn Sigrúnar Sifjar.
156 skrifuðu undir yfirlýsinguna í morgun og fleiri hafa bæst við að sögn Sigrúnar Sifjar. Vísir/GETTY

Á annað hundrað konur gera í yfirlýsingu þá kröfu til alþingismanna að þeir taki skýra afstöðu á móti ofbeldi gegn konum og börnum eða geri skýra grein fyrir afstöðu sinni. Hópurinn Aktívistar gegn nauðgunarmenningu sendu þá kröfu á alþingismenn í morgun en tilefnið er frumvarp Brynjars Níelssonar og fleiri sjálfstæðismanna þess efnis að tálmun verði gerð refsiverð. Viðurlög verði allt að fimm ára fangelsi.

„Frumvarp um refsilöggjöf í umgengnismálum er ekki lausn á vel skilgreindum vanda. Frumvarpið er enn eitt kúgunartækið í þágu ofbeldismanna og gefur þeim gerræðislegt vald í lífi barna og kvenna. Þið kallið þetta frumvarp til breytinga á barnaverndarlögum. Við köllum þetta frumvarp til laga gegn vernd barna,“ segir í yfirlýsingu hópsins.

Sigrún Sif Jóelsdóttir, einn aktívistanna, segir að tölvupóstur hafi verið sendur á alla þingmenn snemma í morgun. Þrír hafi brugðist strax við.

„Andrés Ingi VG, Björn Leví Pírati og Rósa Björk. Aktívistar gegn nauðgunarmenningu eru ánægðir með það. Andrés spurði hvort yfirlýsingin hefði ekki örugglega verið send á Nefndasvið, sem verður gert í framhaldinu. Rósa Björk kemur með afdráttarlausan stuðning við þessa höfnun og bendir á að hún mótmælti líka þegar frumvarpið kom fyrst - og sendir baráttukveðjur. Björn Leví minntist á nýlegar tillögur Pírata til bættrar stjórnsýslu í þessum málum,“ segir Sigrún Sif Jóelsdóttir, einn aktívistanna.

Yfirlýsinguna og undirskriftir má sjá hér að neðan.

Við finnum okkur knúnar til að leggja fram eftirfarandi yfirlýsingu og gerum þá kröfu til allra sem á Alþingi sitja að þau taki skýra afstöðu á móti ofbeldi gegn konum og börnum ellegar geri skýra grein fyrir afstöðu sinni. Hvenær þykir ykkur nóg komið? Hafa frásagnir þolenda af ofbeldi í nánum samböndum og fjölskyldum ekki farið nógu hátt til að ná athygli ykkar? Hversu hávær og skerandi þurfa sársaukaópin að vera til að þau komi ykkur við? Hversu mörg líf þarf að leggja í rúst og hversu marga þarf að brjóta niður og kúga til að þið opnið augun?

Hið opinbera tekur nú þegar þátt í kerfislægu niðurbroti og ofbeldi með ákvarðanatöku sinni og fremur mannréttindabrot í skjóli valds. Hversu oft þarf þetta frumvarp sem vinnur augljóslega gegn hag allra barna og vinnur beint gegn þolendum ofbeldis, að vera lagt fram áður en þið áttið ykkur á alvarleika málsins?

Við segjum að nóg sé komið. Við teljum það lágmarkskröfu að þau sem sitja á ákvörðunarstól þingsins horfist í augu við afleiðingarnar sem frumvarp sem þetta myndi hafa næði það fram að ganga.

Við teljum mikilvægt að þið gerið ykkur grein fyrir hvað lögfesting á skömmun foreldris (móður) raunverulega þýðir fyrir börn og að þið áttið ykkur á því hversu skaðleg viðhorf frumvarpið endurspeglar.

Börn sem af einhverjum ástæðum njóta ekki umgengni við annað foreldri sitt eru bersýnilega ekki betur sett með því að hinu foreldrinu sé varpað í fangelsi. Þá er ríkið sjálft að svipta barnið réttinum á umgengni við það foreldri sem afplánar refsivist og jafnvel svipta barnið eina foreldrinu sem verndar það. Þessi hugsun er ekki bara órökrétt heldur er hún í hreinni mótsögn við alla hugsun að baki barnalögum, barnaverndarlögum og Barnasáttmála Sameinuðu þjóðanna.

Kerfið í dag verkar sem vogarafl fyrir ofbeldismann sem reiðir til höggs. Kerfið sem segist ætla vernda fyrir ofbeldi bregst þolendum ofbeldis hvað eftir annað. Frásagnir þeirra sem hafa flúið heimilisofbeldi og þurfa að reiða sig á réttarákvörðun kerfisins vegna barna sinna eru skýr vitnisburður um það.

Þögn ykkar er vopn í höndum ofbeldismanna. Skilningsleysi og hundsun á hættulegum aðstæðum þolenda ofbeldis er ofin inn í viðhorf kerfisins og mæður og börn sem eru þolendur heimilisofbeldis verða því fyrir ofbeldi úr öllum áttum. Þau verða fyrir ofbeldi heima hjá sér og einnig ofbeldi af hálfu ríkisvaldsins. Vanmátturinn verður alger þegar það er yfirvaldið, ríkisvaldið, sem starfar í skjóli laga sem tekur afstöðu með gerandanum, staðfestir hans málstað og ljáir honum lögmæti og tekur þannig beinan þátt í ofbeldinu. Þolendur ofbeldis eru algjörlega berskjaldaðir.

Frumvarp um refsilöggjöf í umgengnismálum er ekki lausn á vel skilgreindum vanda. Frumvarpið er enn eitt kúgunartækið í þágu ofbeldismanna og gefur þeim gerræðislegt vald í lífi barna og kvenna. Þið kallið þetta frumvarp til breytinga á barnaverndarlögum. Við köllum þetta frumvarp til laga gegn vernd barna.

Það ætti að vera augljóst að það er ekki börnum fyrir bestu að foreldri þess sé refsað með fangelsisvist fyrir að uppfylla forsjárskyldu sína;fyrir að vernda þau fyrir ofbeldi og vanvirðandi háttsemi. Sýslumaður sem virðist enn taka geðþóttaákvarðanir í umgengnismálum þvert á skýrslur og gögn sem staðfesta ofbeldi telur frásagnir af ofbeldi og meint neikvætt viðhorf móður vegna þess, skaða börn meira en staðfest ofbeldi samkvæmt Barnahúsi, lögregluskýrslum, greinagerðum meðferðaraðila, fagfólks, barnaverndarmálum, áverkavottorðum og svo framvegis. Þolendur ofbeldis fá þau skilaboð að það skipti engu máli þó brotið sé gegn þeim. Óréttlátt viðhorf gagnvart þolendum í umgengnismálum gerir þeim ókleift að vernda börn sín fyrir ofbeldi vegna þess að „réttur barnsins til að umgangast báða foreldra“ er látinn trompa rétt barnsins til öryggis.

Inngrip stjórnvalds í umgengni barna við foreldra sína þarf fyrst að vera réttmætt áður en gripið er til aðgerða til að refsa eða þvinga þá sem brjóta umgengnisrétt. Þegar stjórnvöld líta ekki til gagna frá Barnahúsi um kynferðisofbeldi á barni, til opinna barnaverndarmála, mats fagaðila og vilja barnanna sjálfra í réttarákvörðun sinni eru þau einfaldlega ekki að viðurkenna ofbeldi á barni. Vinnuregla barnaverndar er sú að kanna ekki aðstæður á heimili umgengnisforeldris sérstaklega. Ekki er talin þörf á inngripi eða könnun barnaverndar ef talið er að forsjáraðili (móðir) verndi barnið frá ofbeldi eða vanvirðandi háttsemi umgengnisforeldris. Þegar réttarákvörðun vísar upplýsingum um ofbeldi á barni eða fjölskyldu frá með þeim hætti sem hún gerir, barnavernd kannar ekki aðstæður barns á heimili umgengnisforeldris og forsjárforeldri er síðan dæmt í fangelsi fyrir að hafna umgengnisrétti til verndar barninu. Þá hafa stjórnvöld brugðist barninu fullkomlega í nafni jafns réttar umgengnisforeldris (föður).

Réttur barns er endurskilgreindur sem réttur föður og glæpur móður.

Ef það er raunverulegur vilji stjórnvalda að uppræta heimilisofbeldi og standa vörð um hagsmuni barna þá er það algjört frumskilyrði að ofbeldinu sé ekki afneitað, afsakað, réttlætt eða endurskilgreint á kostnað þolenda þegar það á sér stað. Á meðan kerfið kemur ekki til móts við þolendur og tekur ekki á því ofbeldi sem er til staðar þá hefur frumvarp um refsingar á forsjárforeldrum engan tilgang annan en að ýta undir kúgun og ofbeldi.

Refsivist vegna brots á umgengnissamningi sem skilgreint er með fordómafullri ákvörðunatöku út frá mýtunni um vondu mömmuna sem ásakar pabbann ranglega fjallar ekki um réttlæti, heldur hefnd og valdbeitingu. Aðeins morð á foreldri í aðstæðum sem þessum er nær fullkomnun á ofbeldinu en fangelsun.

Tími afstöðu-og ábyrgðarleysis gagnvart ofbeldi er liðinn og við getum ekki lengur forðast það að horfast í augu við raunveruleikann. Nú er tækifærið til að taka afdráttarlausa afstöðu með þolendum og fyrsta skrefið er að mótmæla þessu frumvarpi gegn vernd barna kröftuglega. Þess vegna krefjumst við svara frá öllum á þingi. Ofbeldi í fjölskyldum er ekki einkamál. Þið sem sitjið á valdastóli, þið hafið ákvörðunarvaldið. Standið með þolendum ofbeldis.

Við bíðum svara frá ykkur öllum:
Albertína Friðbjörg Elíasdóttir, Andrés Ingi Jónsson, Anna Kolbrún Árnadóttir, Ari Trausti Guðmundsson, Ágúst Ólafur Ágústsson, Áslaug Arna Sigurbjörnsdóttir, Ásmundur Einar Daðason, Bergþór Ólason, Birgir Ármannsson, Birgir Þórarinsson, Bjarkey Olsen Gunnarsdóttir, Bjarni Benediktsson, Björn Leví Gunnarsson, Guðjón S. Brjánsson, Guðlaugur Þór Þórðarson, Guðmundur Ingi Guðbrandsson, Guðmundur Ingi Kristinsson, Guðmundur Andri Thorsson, Gunnar Bragi Sveinsson, Halla Signý Kristjánsdóttir, Halldóra Mogensen, Hanna Katrín Friðriksson, Haraldur Benediktsson, Helga Vala Helgadóttir, Helgi Hrafn Gunnarsson, Inga Sæland, Jón Þór Ólafsson, Jón Steindór Valdimarsson, Karl Gauti Hjaltason, Katrín Jakobsdóttir, Kolbeinn Óttarsson Proppé, Kristján Þór Júlíusson, Lilja Alfreðsdóttir, Lilja Rafney Magnúsdóttir, Líneik Anna Sævarsdóttir, Logi Einarsson, Oddný G. Harðardóttir, Ólafur Þór Gunnarsson, Ólafur Ísleifsson, Rósa Björk Brynjólfsdóttir, Sigmundur Davíð Gunnlaugsson, Sigríður Á. Andersen, Sigríður María Egilsdóttir, Sigurður Ingi Jóhannsson, Sigurður Páll Jónsson, Silja Dögg Gunnarsdóttir, Smári McCarthy, Steingrímur J. Sigfússon, Steinunn Þóra Árnadóttir, Svandís Svavarsdóttir, Teitur Björn Einarsson, Vilhjálmur Árnason, Willum Þór Þórsson, Þorgerður K. Gunnarsdóttir, Þorsteinn Sæmundsson, Þorsteinn Víglundsson, Þórdís, Kolbrún R. Gylfadóttir, Þórhildur Sunna Ævarsdóttir, Þórunn Egilsdóttir

Undirskriftir:
1. Sigrún Sif Jóelsdóttir
2. Helga Vala Garðarsdóttir
3. Guðrún Línberg Guðjónsdóttir
4. Elísabet Ýr Atladóttir
5. Þórhildur Sif Þórmundsdóttir
6. Herdís Ósk Sveinbjörnsdóttir
7. Rut Einarsdóttir
8. Kristín Inga Jespersen
9. Sara Mansour
10. Anna Jóna Heimisdóttir
11. Hildur Rós Guðbjargardóttir
12. Hrafndís Katla Elíasdóttir
13. Svava Björg Mörk
14. Elfa Kristín Jónsdóttir
15. Nína Vigdísardóttir Björnsdóttir
16. Anna Sigrún Benediktsdóttir
17. Eva Lilja Rúnarsdóttir
18. Andrea Eyland
19. Hjördís Svan Aðalheiðardóttir
20. Candice Michelle Goddard
21. Helga Gestsdóttir
22. Sólborg Birgisdóttir
23. Inga María Vilhjálmsdóttir
24. Helga Ólöf Þórdísardóttir
25. Ásta Knútsdóttir
26. Fríða Bragadóttir
27. Halldóra Jónasdóttir
28. Berglind K.Þórsteinsdóttir
29. Erna Dýrfjörð Stefánsdóttir
30. Erla Guðrún Gísladóttir
31. Sigrún Fanney Sigmarsdóttir
32. Hugrún Jónsdóttir
33. Sunna Ýr Einarsdóttir
34. Ingibjörg Sigurðardóttir
35. Ingibjörg Lilja Þórmundsdóttir 36. Jóhanna Margrétardóttir
37. Margrét Birna Henningsd. Jakob 38. Olga Björk Ólafsdóttir
39. Sunna Björg Símonardóttir
40. Ásta Þórisdóttir
41. Ninna Karla Katrínardóttir
42. Hildur Sigurðardóttir
43. Helga Hrönn Nordfj. Þórðardóttir 44. Heiðrún Arna Friðriksdóttir
45. Sigríður Ásta Árnadóttir
46. Ástrós Hreinsdóttir
47. Harpa Hjartardóttir
48. Kristín Vilhjálmsdóttir
49. Harpa Oddbjörnsdóttir
50. Hildur Björk Hörpudóttir
51. Fanný Rósa Bjarnadóttir
52. Aþena Mjöll Pétursdóttir
53. Guðný Elísa Guðgeirsdóttir
54. Áslaug Hauksdóttir
55. Guðrún Hulda Guðmundsdóttir 56. Hafdís Arnardóttir
57. Freydís Dögg Steindórsdóttir 58. Steinunn Ýr Einarsdóttir
59. Tinna Björk Pálsdóttir
60. Tanja M. Ísfjörð Magnúsdóttir 61. Elín Jóhanna Bjarnadóttir
62. Kristín Th. Hafsteinsdóttir
63. Vibeke Svala Hafsteinsdóttir
64. Eva Dagbjört Óladóttir
65. Nótt Aradóttir
66. Margrét Baldursdóttir
67. Sædís Hrönn Samúelsdóttir
68. Hildur Sigurðardóttir
69. Bjarndís Helga Tómasdóttir
70. Kristín Erla Benediktsdóttir
71. Frigg Thorlacius
72. Katrín Sigríður Júlíu Steingrímsdóttir 73. Hanna Björg Vilhjálmsdóttir
74. Ragna Björk Ragnarsdóttir
75. Signý Rut Kristjánsdóttir
76. Halldóra Hafsteinsdóttir
77. Sigrún Sól Ólafsdóttir
78. Freyja Vals Sesseljudóttir
79. Sigríður Sturlaugsdóttir
80. Kristjana Mjöll Jónsdóttir Hjörvar
81. Hildigunnur Rúnarsdóttir
82. Elva Dögg Blumenstein
83. Hulda Hákonardóttir
84. Arna Björk Pétursdóttir
85. Sólrún Einarsdóttir
86. Guðrún Ágústa Kjartansdóttir
87. Benedikta Bergmann Ketilsdóttir
88. Kiana Sif Limehouse
89. Sunna Kristinsdóttir
90. Sigurbjörg Magnúsdóttir
91. Brynhildur Björnsdóttir
92. Margrét Heiður Jóhannsdóttir
93. Erla Einarsdóttir
94. Birgitta Sigurðardóttir
95. Gunnhildur Vala Valsdóttir
96. Vega Rós Guðmundsdóttir
97. Steinunn Ólöf Hjartardóttir
98. Emma Ásu Árnadóttir
99. Emma Kamilla Finnbogadóttir
100. María Lind Oddsdóttir
101. Stella Beekman
102. Anna Þórey Arnardóttir
103. Sigríður Björnsdóttir
104. Margrét S Benediktsdóttir
105. Elsa Björk Harðardóttir
106. Særún Magnea Samúelsdóttir
107. Eva Hulda Ívarsdottir
108. Kristín Margrét Ingibjargardóttir
109. Eyrún Eva Gunnarsdóttir
110. Hulda Dögg Georgsdóttir
111. Hildur Helga Sigurðardóttir
112. Tinna Eik Rakelardóttir
113. Birna Sæunn Jónsdóttir
114. Fanney Gunnarsdóttir
115. Harpa Lind Björnsdóttir
116. Anna Íris Pétursdóttir
117. Þorbjörg Signý Ágústsson
118. Þuríður Ósk Gunnarsdóttir
119. Klara Þórhallsdóttir
120. Steinunn Anna Radha Másdóttir
121. Helga Dís Árnadóttir
122. Þórhildur Sæmundsdóttir
123. Margrét Pétursdóttir
124. Steinunn S. Ólafardóttir
125. Guðlaug Marín Pálsdóttir
126. Sunna Rut Stefánsdóttir
127. Sigríður Nanna Gunnarsdóttir
128. Steinunn Helga Sigurðardóttir
129. Karen Linda Eiríksdóttir
130. Karen Dögg Bryndísardóttir Karlsdóttir
131. Ragna Björg Björnsdottir
132. Guðrún Kristjánsdóttir
133. Heiða Sigurðardóttir
134. Erna Sigrún Hallgrímsdóttir
135. Erla Kr Bergmann
136. Sigrún Ósk Arnardóttir
137. Hafdís Erla Árnadóttir
138. Drífa Pálín Geirs
139. Berglind Ósk Pétursdóttir
140. Þórey Guðmundsdóttir
141. Erla Elíasdóttir Völudóttir
142. Lilja Dröfn Dagbjartsdóttir
143. Magnea Jónasdóttir
144. Edith Soffía Bech
145. Lúcía Sigrún Ólafsdóttir
146. Berglind Rós Gunnarsdóttir
147. Björg Torfadóttir
148. Jenný Heiða Zalewski
149. Linda Björk Einarsdóttir
150. Aðalheiður Jóhannsdóttir
151. Hera Hansen
152. Anna Lind Vignisdóttir
153. Halldóra M. Baldursdóttir
154. Eva Björk Sigurðardóttir
155. Anna Lotta Michaelsdóttir
156. Halla Björg Randversdóttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.