Vann bókabúð í happdrætti og flytur til Wales Stefán Ó. Jónsson skrifar 7. september 2018 15:04 Fráfarandi eigandi Bookends, Paul Morris, tekur hér í hönd hins hollenska Ceisjan van Heerden, oftast kallaður C.J., sem tekur við rekstri verslunarinnar ásamt Sveinbirni í byrjun nóvember. TivySide Hinn 23 ára gamli Sveinbjörn Stefán Einarsson mun á næstu mánuðum venda kvæði sínu í kross og taka við rekstri bókaverslunar í velskum smábæ. Ástæðan er einföld: Hollenskur vinur hans vann verslunina á tombólu og óskaði eftir liðsinni þess íslenska. Í samtali við Vísi útskýrir Sveinbjörn fyrir blaðamanni hvernig þessi óvenjulega framvinda er tilkomin. Hollenski vinur hans, sem Sveinbjörn kynntist í gegnum spilun netleiksins EVE Online, er búsettur skammt utan við bæinn Cardigan í vesturhluta Wales. Sveinbjörn segir að hinn hollenski C.J. leggi reglulega leið sína í bæinn, þá ekki síst til að versla í umræddri bókabúð, Bookends. Eigendur bókabúðarinnar, hjónin Paul og Leila Morris, ákváðu í upphafi árs að draga sig úr rekstri verslunarinnar. Þrátt fyrir að þau elskuðu starfið sitt og hefðu rekið bókabúðina réttu megin við núllið undanfarin tvö ár vilji þau verja meiri tíma með þeirra nánustu, eftir sviplegt fráfall í fjölskyldunni.Sveinbjörn Stefán Einarsson er spenntur fyrir bókabúðarekstrinum.Þorgerður Erla AndrésdóttirÍ stað þess að selja búðina brugðu Morris-hjónin á það framúrstefnulega ráð að blása til hlutaveltu. Hver sá sem eyddi meira en 20 pundum í versluninni í sumar fór í pott og átt möguleika á að vinna verslunina, með öllum þeim þúsundum bóka sem þar er að finna. Einu skilyrðin voru að rekstri bókabúðarinnar yrði haldið áfram, enda orðinn mikilvægur liður í bæjarlífinu. Sá hollenski sló til og lét íslenska vin sinn vita að ef svo færi að hann myndi vinna verslunina þyrfti Sveinbjörn að aðstoða hann við rekstur bókabúðarinnar. Það var svo síðastliðinn laugardag sem Sveinbjörn fékk símtalið, C.J. hafi verið dreginn út og því ekkert annað í stöðunni fyrir Sveinbjörn en að flytjast búferlum og hefja bókabúðarekstur. Þrátt fyrir að tíðindin hafi komið flatt upp á hann segir Sveinbjörn að hann hlakki til verkefnisins. „Maður fær ekki oft þetta tækifæri,“ segir Sveinbjörn sem segist vera á „fullu núna að reyna að koma sér út.“ Þeir Sveinbjörn og C.J. fá verslunina í hendurnar þann 5. nóvember næstkomandi og munu þeir tveir alfarið sjá um rekstur bókabúðarinnar. Sveinbjörn segir að um fullt starf verði að ræða, núverandi eigendur hafi til að mynda sagt að þau séu að sex daga vikunnar. Búðin sé þó engu að síður nokkuð sjálfbær. Sveinbjörn segir að þeir hafi fengið að sjá lykiltölur úr rekstrinum sem „líta vel út“ - ekki síst vegna fjölda fastagesta, eins og C.J., sem leggja reglulega leið sína í Bookends. Sveinbjörn segir að þeir félagar muni reyna að fikra sig áfram við reksturinn. Þeir hafi áhuga á að auka hlut borðspila í versluninni en það verði einfaldlega að ráðast af áhuga bæjarbúa. „Þetta er lítill bær og það fer allt eftir því hvað við komumst upp með að gera.“ Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Segir að Play sé og verði áfram með höfuðstöðvar á Íslandi Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Hinn 23 ára gamli Sveinbjörn Stefán Einarsson mun á næstu mánuðum venda kvæði sínu í kross og taka við rekstri bókaverslunar í velskum smábæ. Ástæðan er einföld: Hollenskur vinur hans vann verslunina á tombólu og óskaði eftir liðsinni þess íslenska. Í samtali við Vísi útskýrir Sveinbjörn fyrir blaðamanni hvernig þessi óvenjulega framvinda er tilkomin. Hollenski vinur hans, sem Sveinbjörn kynntist í gegnum spilun netleiksins EVE Online, er búsettur skammt utan við bæinn Cardigan í vesturhluta Wales. Sveinbjörn segir að hinn hollenski C.J. leggi reglulega leið sína í bæinn, þá ekki síst til að versla í umræddri bókabúð, Bookends. Eigendur bókabúðarinnar, hjónin Paul og Leila Morris, ákváðu í upphafi árs að draga sig úr rekstri verslunarinnar. Þrátt fyrir að þau elskuðu starfið sitt og hefðu rekið bókabúðina réttu megin við núllið undanfarin tvö ár vilji þau verja meiri tíma með þeirra nánustu, eftir sviplegt fráfall í fjölskyldunni.Sveinbjörn Stefán Einarsson er spenntur fyrir bókabúðarekstrinum.Þorgerður Erla AndrésdóttirÍ stað þess að selja búðina brugðu Morris-hjónin á það framúrstefnulega ráð að blása til hlutaveltu. Hver sá sem eyddi meira en 20 pundum í versluninni í sumar fór í pott og átt möguleika á að vinna verslunina, með öllum þeim þúsundum bóka sem þar er að finna. Einu skilyrðin voru að rekstri bókabúðarinnar yrði haldið áfram, enda orðinn mikilvægur liður í bæjarlífinu. Sá hollenski sló til og lét íslenska vin sinn vita að ef svo færi að hann myndi vinna verslunina þyrfti Sveinbjörn að aðstoða hann við rekstur bókabúðarinnar. Það var svo síðastliðinn laugardag sem Sveinbjörn fékk símtalið, C.J. hafi verið dreginn út og því ekkert annað í stöðunni fyrir Sveinbjörn en að flytjast búferlum og hefja bókabúðarekstur. Þrátt fyrir að tíðindin hafi komið flatt upp á hann segir Sveinbjörn að hann hlakki til verkefnisins. „Maður fær ekki oft þetta tækifæri,“ segir Sveinbjörn sem segist vera á „fullu núna að reyna að koma sér út.“ Þeir Sveinbjörn og C.J. fá verslunina í hendurnar þann 5. nóvember næstkomandi og munu þeir tveir alfarið sjá um rekstur bókabúðarinnar. Sveinbjörn segir að um fullt starf verði að ræða, núverandi eigendur hafi til að mynda sagt að þau séu að sex daga vikunnar. Búðin sé þó engu að síður nokkuð sjálfbær. Sveinbjörn segir að þeir hafi fengið að sjá lykiltölur úr rekstrinum sem „líta vel út“ - ekki síst vegna fjölda fastagesta, eins og C.J., sem leggja reglulega leið sína í Bookends. Sveinbjörn segir að þeir félagar muni reyna að fikra sig áfram við reksturinn. Þeir hafi áhuga á að auka hlut borðspila í versluninni en það verði einfaldlega að ráðast af áhuga bæjarbúa. „Þetta er lítill bær og það fer allt eftir því hvað við komumst upp með að gera.“
Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Segir að Play sé og verði áfram með höfuðstöðvar á Íslandi Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira