Selt tæplega helming bréfa sinna í Arion Hörður Ægisson og Kristinn Ingi Jónsson skrifar 22. ágúst 2018 05:39 Arion banki var skráður á markað á öðrum ársfjórðungi ársins. Vísir/Eyþór Fjárfestingarfélagið Stoðir, sem er í meirihlutaeigu meðal annars Jóns Sigurðssonar, Einars Arnar Ólafssonar og Magnúsar Ármann í gegnum eignarhaldsfélagið S121, hefur selt tæplega helming af hlutabréfunum sem félagið fékk úthlutað í hlutafjárútboði Arion banka fyrir um tveimur mánuðum. Samkvæmt lista yfir alla hluthafa Arion banka mánudaginn 20. ágúst, sem Markaðurinn hefur séð, áttu Stoðir um 0,37 prósent af heildarútgefnum bréfum bankans en markaðsvirði hlutarins er um 650 milljónir króna miðað við núverandi gengi bréfanna. Eins og Markaðurinn hefur greint frá fékk félagið samtals 12 milljónir hluta úthlutaðar í bankanum í útboðinu í júní og varð þannig stærsti íslenski einkafjárfestirinn í hluthafahópnum með 0,6 prósenta hlut. Félagið Snæból, sem er í eigu hjónanna Finns Reyrs Stefánssonar og Steinunnar Jónsdóttur, hefur nær fjórfaldað eignarhlut sinn í Arion banka á þeim tveimur mánuðum sem liðnir eru frá skráningu bankans, samkvæmt áðurnefndum hluthafalista. Félagið á nú 0,38 prósenta hlut í bankanum, að virði um 680 milljónir króna, en það fékk úthlutaðan um 0,1 prósents hlut í útboðinu. Félagið Sigla, í eigu viðskiptafélaganna Finns Reyrs og Tómasar Kristjánssonar, fer jafnframt með 0,06 prósenta hlut í Arion banka en samanlagður eignarhlutur Snæbóls og Siglu er metinn á um 800 milljónir króna. Eins og Markaðurinn hefur áður upplýst skráðu Stoðir sig fyrir í kringum 100 milljónum hluta í hlutafjárútboði bankans, eða sem jafngildir um 7,5 milljörðum króna miðað við útboðsgengi, en fékk sem fyrr segir aðeins 12 milljónir hluta úthlutaðar í bankanum. Eiga Stoðir, sem eru stærsta fjárfestingarfélag landsins með liðlega 18 milljarða króna í eigið fé, nú ríflega 7 milljónir hluta í Arion.Gildi bætt lítillega við sig Samkvæmt hluthafalista Arion banka hefur lífeyrissjóðurinn Gildi bætt við sig 2 milljónum hluta í bankanum frá útboði bankans og þá hafa lífeyrissjóðirnir Birta og Stapi einnig aukið lítillega við sinn hlut. Átta af stærstu lífeyrissjóðum landsins var úthlutað ríflega 3 prósenta hlut í útboðinu. Þá hafa sjóðir í stýringu Íslandssjóða minnkað aðeins við sig í Arion banka undanfarið en sjóðirnir eiga nú 0,43 prósenta hlut borið saman við 0,7 prósenta hlut í kjölfar útboðsins um miðjan júní síðastliðinn. Sjóðirnir fóru fyrst inn í hluthafahóp bankans í febrúar en juku við hlut sinn í útboðinu. Breski vogunarsjóðurinn Attestor Capital hefur jafnframt haldið áfram að minnka við eignarhlut sinn í Arion banka. Sjóðurinn fer nú með 8,67 prósenta hlut og hefur þannig selt hátt í 0,8 prósent af hlutafé bankans eftir að bankinn var skráður á hlutabréfamarkað. Fyrir skráningu átti vogunarsjóðurinn 12,44 prósenta hlut.Gengið hækkað um 22 prósent Við lokun markaða í gær nam hlutabréfaverð Arion banka 91,2 krónum á hlut og var um 22 prósentum hærra en í útboði bankans í júní þegar Kaupþing og Attestor seldu um 29 prósenta hlut á genginu 75 fyrir samtals um 39 milljarða króna. Kaupendur að bréfunum voru að stærstum hluta erlendir fjárfestingarsjóðir á meðan íslenskir fjárfestar – almenningur, fagfjárfestar og lífeyrissjóðir – fengu aðeins að kaupa samanlagt um 9 prósenta hlut. Nokkurrar óánægju gætti á meðal innlendra fjárfesta með þá aðferðafræði sem var beitt við skerðingar í útboði bankans, þar sem eftirspurnin reyndist margföld, en þeir fengu almennt aðeins á bilinu 10 til 30 prósent af þeim hlut sem þeir höfðu óskað eftir að kaupa. Voru ýmis dæmi um einkafjárfesta sem fengu ekki nein bréf úthlutuð í bankanum þótt þeir hefðu skráð sig fyrir háum fjárhæðum. Höskuldur Ólafsson, bankastjóri Arion banka, viðurkenndi í viðtali við Markaðinn í síðasta mánuði að bankinn hefði viljað að Kaupþing, seljandi bréfanna, hefði úthlutað stærri hlut til íslenskra fjárfesta. Ákvörðun um að gera það ekki hefði „truflað viðskiptasamband bankans eitthvað“ og væri „neikvæður vinkill á annars mjög vel heppnuðu útboði“. Birtist í Fréttablaðinu Markaðir Salan á Arion banka Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Steypti ég mér í algjöra glötun með lántökunni fyrir þremur árum? Viðskipti innlent Grunnlán nær nú aðeins til helmings kaupverðs Viðskipti innlent Svona lögðu Kínverjar framtíðina undir sig Viðskipti erlent Fleiri fréttir Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sjá meira
Fjárfestingarfélagið Stoðir, sem er í meirihlutaeigu meðal annars Jóns Sigurðssonar, Einars Arnar Ólafssonar og Magnúsar Ármann í gegnum eignarhaldsfélagið S121, hefur selt tæplega helming af hlutabréfunum sem félagið fékk úthlutað í hlutafjárútboði Arion banka fyrir um tveimur mánuðum. Samkvæmt lista yfir alla hluthafa Arion banka mánudaginn 20. ágúst, sem Markaðurinn hefur séð, áttu Stoðir um 0,37 prósent af heildarútgefnum bréfum bankans en markaðsvirði hlutarins er um 650 milljónir króna miðað við núverandi gengi bréfanna. Eins og Markaðurinn hefur greint frá fékk félagið samtals 12 milljónir hluta úthlutaðar í bankanum í útboðinu í júní og varð þannig stærsti íslenski einkafjárfestirinn í hluthafahópnum með 0,6 prósenta hlut. Félagið Snæból, sem er í eigu hjónanna Finns Reyrs Stefánssonar og Steinunnar Jónsdóttur, hefur nær fjórfaldað eignarhlut sinn í Arion banka á þeim tveimur mánuðum sem liðnir eru frá skráningu bankans, samkvæmt áðurnefndum hluthafalista. Félagið á nú 0,38 prósenta hlut í bankanum, að virði um 680 milljónir króna, en það fékk úthlutaðan um 0,1 prósents hlut í útboðinu. Félagið Sigla, í eigu viðskiptafélaganna Finns Reyrs og Tómasar Kristjánssonar, fer jafnframt með 0,06 prósenta hlut í Arion banka en samanlagður eignarhlutur Snæbóls og Siglu er metinn á um 800 milljónir króna. Eins og Markaðurinn hefur áður upplýst skráðu Stoðir sig fyrir í kringum 100 milljónum hluta í hlutafjárútboði bankans, eða sem jafngildir um 7,5 milljörðum króna miðað við útboðsgengi, en fékk sem fyrr segir aðeins 12 milljónir hluta úthlutaðar í bankanum. Eiga Stoðir, sem eru stærsta fjárfestingarfélag landsins með liðlega 18 milljarða króna í eigið fé, nú ríflega 7 milljónir hluta í Arion.Gildi bætt lítillega við sig Samkvæmt hluthafalista Arion banka hefur lífeyrissjóðurinn Gildi bætt við sig 2 milljónum hluta í bankanum frá útboði bankans og þá hafa lífeyrissjóðirnir Birta og Stapi einnig aukið lítillega við sinn hlut. Átta af stærstu lífeyrissjóðum landsins var úthlutað ríflega 3 prósenta hlut í útboðinu. Þá hafa sjóðir í stýringu Íslandssjóða minnkað aðeins við sig í Arion banka undanfarið en sjóðirnir eiga nú 0,43 prósenta hlut borið saman við 0,7 prósenta hlut í kjölfar útboðsins um miðjan júní síðastliðinn. Sjóðirnir fóru fyrst inn í hluthafahóp bankans í febrúar en juku við hlut sinn í útboðinu. Breski vogunarsjóðurinn Attestor Capital hefur jafnframt haldið áfram að minnka við eignarhlut sinn í Arion banka. Sjóðurinn fer nú með 8,67 prósenta hlut og hefur þannig selt hátt í 0,8 prósent af hlutafé bankans eftir að bankinn var skráður á hlutabréfamarkað. Fyrir skráningu átti vogunarsjóðurinn 12,44 prósenta hlut.Gengið hækkað um 22 prósent Við lokun markaða í gær nam hlutabréfaverð Arion banka 91,2 krónum á hlut og var um 22 prósentum hærra en í útboði bankans í júní þegar Kaupþing og Attestor seldu um 29 prósenta hlut á genginu 75 fyrir samtals um 39 milljarða króna. Kaupendur að bréfunum voru að stærstum hluta erlendir fjárfestingarsjóðir á meðan íslenskir fjárfestar – almenningur, fagfjárfestar og lífeyrissjóðir – fengu aðeins að kaupa samanlagt um 9 prósenta hlut. Nokkurrar óánægju gætti á meðal innlendra fjárfesta með þá aðferðafræði sem var beitt við skerðingar í útboði bankans, þar sem eftirspurnin reyndist margföld, en þeir fengu almennt aðeins á bilinu 10 til 30 prósent af þeim hlut sem þeir höfðu óskað eftir að kaupa. Voru ýmis dæmi um einkafjárfesta sem fengu ekki nein bréf úthlutuð í bankanum þótt þeir hefðu skráð sig fyrir háum fjárhæðum. Höskuldur Ólafsson, bankastjóri Arion banka, viðurkenndi í viðtali við Markaðinn í síðasta mánuði að bankinn hefði viljað að Kaupþing, seljandi bréfanna, hefði úthlutað stærri hlut til íslenskra fjárfesta. Ákvörðun um að gera það ekki hefði „truflað viðskiptasamband bankans eitthvað“ og væri „neikvæður vinkill á annars mjög vel heppnuðu útboði“.
Birtist í Fréttablaðinu Markaðir Salan á Arion banka Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Steypti ég mér í algjöra glötun með lántökunni fyrir þremur árum? Viðskipti innlent Grunnlán nær nú aðeins til helmings kaupverðs Viðskipti innlent Svona lögðu Kínverjar framtíðina undir sig Viðskipti erlent Fleiri fréttir Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sjá meira