Hafa brugðist vel við tilboði WOW air
Sala flugsæta WOW air í íslenskum krónum er 410% hærri í dag en hún hefur verið að meðaltali undanfarna viku. Ætla má að það sé vegna nýjasta tilboðs flugfélagsins.
Vísir fjallaði um það í gærkvöldi að WOW air byði upp á 40% afslátt á fargjaldi WOW air með afsláttarkóðanum WOWSALE. Kaup Íslendinga á farmiðum með WOW air síðustu daga hefur verið nokkru meiri en á sama tíma í fyrra.
Í tilkynningu frá framkvæmdastjóra samskiptasviðs WOW air kemur fram að Íslendingar hafi helst valið ferðir til Berlínar, Kaupmannahafnar, Tenerife og nýrra áfangastaða í Norður-Ameríku.
„Við erum afar þakklát íslensku þjóðinni það traust og þá miklu velvild sem hún hefur sýnt okkur. Fjármögnunarferlið gengur vel og við höldum ótrauð áfram að bjóða upp á lægsta verðið yfir hafið,“ segir Skúli Mogensen, stofnandi og forstjóri WOW air.
Tengdar fréttir
Margir mánuðir síðan ákveðið var að bjóða upp á tilboðin
Þannig sé ekki um að ræða viðbrögð við fjárhagsstöðu fyrirtækisins, sem mikið hefur verið fjallað um að undanförnu.
Skúli stendur keikur
Skúli Mogensen segir ekkert plan b ef skuldabréfaútboð WOW air heppnast ekki. Hann hefur fulla trú á að útboðið klárist. Spurningin sé aðeins um kjör. Útlit er fyrir að þriðji ársfjórðungur verði sá næstbesti í sögu félagsins.
Útsala WOW Air hefst á morgun
Flug WOW Air munu vera á allt að 40% afslætti á morgun fram að 27. ágúst.
