Rúnar Alex hélt hreinu í sigri gegn Nantes

Rúnar Alex Rúnarsson byrjar vel með franska liðinu Dijon í frönsku úrvalsdeildinni en Dijon vann 2-0 sigur á Nantes í kvöld.

Julio Tavares kom Dijon yfir á áttundu mínútu leiksins og staðan var 1-0 í hálfleik. Tavares var aftur á ferðinni stundarfjórðungi fyrir leikslok og lokatölur 2-0.

Rúnar Alex stóð vaktina í marki Dijon en þeir eru með sex stig eftir fyrstu tvo leikina. Rúnar Alex hefur einungis fengið á sig eitt mark í fyrstu tveimur leikjunum.

Kolbeinn Sigþórsson var ekki í leikmannahópi Nantes sem er án stiga eftir fyrstu tvo leikina.