Albert á bekknum þegar PSV tapaði í vítaspyrnukeppni

Það var boðið upp á stórleik í Hollandi í dag þegar stórveldin PSV Eindhoven og Feyenoord áttust við í leik meistara meistaranna.

Íslenski landsliðsmaðurinn Albert Guðmundsson var á varamannabekk PSV og var ekki einn þeirra tveggja sem var skipt inná en þeir Hirving Lozano og Mauro Junior komu inn af bekknum.

Staðan að loknum venjulegum leiktíma var markalaus og var þá farið beint í vítaspyrnukeppni.

Sextán vítaspyrnur þurfti til að útkljá um sigurvegara og fór að lokum svo að Jordy Clasie tryggði Feyenoord sigur í vítakeppninni, 5-6.